| e-texts navigator |
| Wylie |
313b1 ད་ཨུ་ནི་དེ་ལྟ་བུ་བྱས་ནས་དེ་ཉིད་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་རྣམས་ཐམས་ཅད་ཀྱི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་དང་སྤྱི་བོར་ཟླ་བའི་དཀྱིལ་འཁོར་གྱི་སྟེང་དུ་རང་ག་གཟུགས
313b2 སུ་གནས་པར་བྱེད་དོ། ། དེ་ནས་བཅོམ་ལྡན་འདས་ཕྱག་ན་རྡོ་རྗེས་ཡེ་ཤེས་ཀྱི་དམ་ཚིག་ཁོང་དུ་ཆུད་པ་ཞེས་བྱ་བའི་གསང་སྔགས་ཀྱི་དམ་ཚིག་བཀའ་སྩལ་ཏོ།། གྲངས་མེད་འབྱུང་པོ་ཐམས་ཅད་ནི།། དེ་ཉིད་སྦྱོར
313b3 བས་གསད་པར་བྱ། ། སྐྱེ་བ་འདིར་ཉིད་སངས་རྒྱས་ཉིད།། ཐོབ་འགྱུར་འདི་ལ་ཐེ་ཙོམ་མེད།། སངས་རྒྱས་བྱེ་བ་ཡོངས་རྫོགས་པ།། ཡེ་ཤེས་སྦྱོར་བས་གསད་པར་བྱ།། སྐྱེ་བ་འདིར་ནི་འགྲུབ་འགྱུར་ཏེ།།
313b4 རྡོ་རྗེ་སེམས་དཔའ་ཐོབ་པར་འགྱུར།། པདྨ་ཆེན་པོ་ཚད་ཀྱིས་ནི།། སེམས་ཅན་ཕུང་པོ་རྣམ་གཞོམ་བྱ།། ཆོས་ཀྱི་དེ་ཉིད་ཏིང་འཛིན་གནས།། བཅོམ་པས་དངོས་གྲུབ་ཐོབ་པར་འགྱུར།། ཆོ་ག་ཤེས་པས་པདྨའི་ཚད།།
313b5 འཇོམས་བྱེད་འདྲེན་པ་གསད་པར་བྱ།། འདོད་མཆོད་དེ་ཉིད་བསྒོམས་པ་ཡིས།། དེ་ཡི་དངོས་གྲུབ་ཆེ་ཞེས་བྱ།། བཅོམ་ལྡན་འདས་ངོ་བོ་ཉིད་དག་པས་དེ་སྐད་ཅེས་གསུངས་སོ།། ནམ་མཁའི་ཁམས་ནི་ཀུན་བཀང་བར།
313b6 མཚན་ཉིད་དེས་ནི་གསད་པར་བྱ།། དེ་ལྟར་ཡང་འདིར་སངས་རྒྱས་ཉིད།། སྐྱེ་བ་འདི་ཉིད་ཁོ་ན་ལ།། རྣམ་པ་སྣ་ཚོགས་ཡང་དག་ཐོབ།། སེམས་ཅན་སེམས་ནི་ཆོ་ག་ཡིས།། ཡང་དང་ཡང་དུ་སྦྱང་བར་བྱ།། གསོད།
313b7 པའི་བདག་ཉིད་སོགས་འབྱུང་བ།། གཞན་དུ་སྦྱོར་བར་མི་འགྱུར་ཉིད།། སེམས་ཅན་ཀུན་གྱིས་སེམས་གང་ཡིན།། གསལ་བ་ཞི་བ་འོད་གསལ་བར།། སྣ་ཚོགས་དངོས་པོས་མ་གོས་པས།། སེམས་སུ་བརྗོད་པའི
iiif viewer powered by OpenSeadragon
