| e-texts navigator |
| Wylie |
313a1 སངས་རྒྱས་ཉིད། ། རི་རབ་ཀྱི་ནི་རྡུལ་ཕྲན་གྱི།། ཕྱག་ན་རྡོ་རྗེ་ཀུན་འབྱུང་བ།། སེམས་ཅན་རྣམས་ཀྱི་བྱེད་པ་ཡིན།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི
313a2 རྒྱལ་པོ་ཆེན་པོར། དམ་ཚིག་ཐམས་ཅད་ཀྱི་སྒྲུབ་ཐབས་ཆེན་པོ་གསང་བའི་མཆོད་པའི་ལེའུ་སྟེ་བརྒྱད་པ་རྫོགས་སོ།། །། དེ་ནས་དེ་བཞིན་གཤེགས་པ་ཐམས་ཅད་སླར་ཡང
313a3 ཡང་དག་པར་འདུས་ནས། བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་རྣམས་ཐམ་ཅད་ཀྱི་ཡ་ཤ་ཁོང་དུ་ཆུད་པ་ཞེས་བྱ་བའི་གསང་སྔགས
313a4 ཆེན་པོའོ། ། དམ་ཚིག་སྒྲུབ་པ་པོ་རྣམས་ཀྱི་སེང་གེ་རྣམ་པར་རོལ་པས་དམ་ཚིག་གི་ཡེ་ཤེས་བྱེད་པ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བ
313a5 བསྟན་དུ་གསོལ། ། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་དེ་བཞིན་གཤེགས་པ་དེ་རྣམས་ཀྱི་ཚིག་ཉེ་བར་གསན་ནས། རྡོ་རྗེ་དེ་རང་གི་སྙིང་ཁར་བཞག་སྟེ་དེ་བཞིན་གཤེགས
313a6 པ་དེ་རྣམས་ལ་གསུང་འདི་སྐད་ཅེས་བཀའ་སྩལ་ཏོ། ། བཅོམ་ལྡན་འདས་དེ་བཞིན་གཤེགས་པ་རྣམས་རྒྱུ་ཅིའི་ཕྱིར་དེ་སྐད་གསུང་། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གང
313a7 ངེས་པར་བསྟན་ནུས་པ་ནི་མེད་དོ། ། ཡང་བཅོམ་ལྡན་འདས་དེ་བཞིན་གཤེགས་པ་འདི་ལ་ཡེ་ཤེས་ཀྱི་འོད་ཟེར་ཡང་རྣམ་པ་སྟོང་དུ་རྣམ་པར་ཞིགས་པར་གྱུར་ཏོ།། གཞན་དུ་ན་ག་ལ་འགྱུར་ཞེས་སོ།། དེ་བཞིན
iiif viewer powered by OpenSeadragon
