| e-texts navigator |
| Wylie |
312a1 ལ་པདྨ་དང་། ། ཆོས་ཀྱི་རིགས་ལའང་དགོངས་པ་ཡིན།། ཆོ་ག་ཤེས་པས་ལོ་བཅུ་པའི།། བཙུན་མོ་ཡེ་ཤེས་རིགས་ལ་ཤེས།། བསྡུས་པ་ཞེས་ལ་བརྟག་བྱ་བ།། ཡོན་ཏན་མདངས་ལྡན་བཅུ་གཉིས
312a2 ལོ་སྔགས་པས་རྟག་ཏུ་ཆོས་ཤེས་པར། ། བཅུ་དྲུག་ལོ་མ་ཀུན་ཏུ་བརྩམ།། ཀུན་ཏུ་འདོད་མཆོད་རིགས་ལ་ནི།། ཉི་ཤུའི་ལོ་ཅན་བསྟེན་པར་བྱ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི
312a3 དཀྱིལ་འཁོར་གྱིས་དེ་སྐད་ཅེས་གསུངས་སོ། ། ཇི་སྲིད་ཁུ་བ་ཡང་དག་བསྡུས།། བཅུ་གཉིས་ལོ་དང་ལྡན་པར་བྱ།། མདོར་ན་གང་གང་འདོད་གྱུར་པ།། སྣ་ཚོགས་རྒྱན་དང་ཡང་དག་ལྡན།། མེ་ཏོག་ཆུན་པོ་སོགས་བརྒྱན
312a4 པས་ཇི་ལྟར་རིགས་པར་བྱ་བ་ཡིན། ། རྣམ་པར་སྣང་མཛད་སོགས་བྱས་ནས།། དེ་ནས་མཆོད་པ་ཡང་དག་བརྩམ།། རིགས་ཀྱི་དབྱེ་བས་ལས་རྣམས་ནི།། ཙན་དན་གུར་ཀུམ་རབ་ཏུ་བརྗོད།། བདེ་བར་བཞུགས་ཤིང་མཛེས
312a5 བྱས་པ། ། དཀྱིལ་འཁོར་དེ་ཉིད་ཀྱིས་དེ་བྱ།། ཐམས་ཅད་བསྡུས་པ་དེ་བྱ་བ།། ཇི་ལྟར་དབྱེ་བ་མི་ཤེས་ན།། གལ་ཏེ་དབྱེ་བ་དེ་ཡི་ནི།། སངས་རྒྱས་ཀྱང་ནི་འགྲུབ་མི་འགྱུར།། བཅོམ་ལྡན་འདས་དེ་བཞིན་གཤེགས་པ
312a6 ཐམས་ཅད་ཀྱི་ཐུགས་ཀྱིས་དེ་སྐད་ཅེས་གསུངས་སོ། ། མཚན་རྣམས་ཀུན་གྱིས་བརྒྱན་པ་ཡིས།། རྒྱན་དུ་བྱས་པའི་བུ་མོ་བདུན།། བཅུ་དྲུག་ལོ་ཡི་རྣམ་པ་དེས།། ཇི་སྲིད་བཅོ་བརྒྱད་ལོ་ལོན་པར།
312a7 ཤིན་ཏུ་རིང་མིན་ཐུང་བ་མིན།། ཕྲ་མིན་རྣམ་པར་སྐྱེས་པའང་མིན།། མཚུངས་མེད་གཞོན་ནུ་མ་སྒྲུབ་བྱ།། གཞན་དུ་འགྲུབ་པར་མི་འགྱུར་རོ།། ཆོ་ག་ཤེས་པས་དེ་བཟུང་ལ།། དེ་ཉིད་སྒྲུབ་ཐབས་ཀྱིས་བསྒྲུབ་བྱ།།
iiif viewer powered by OpenSeadragon
