| e-texts navigator |
| Wylie |
310a1 དེ་ལྟར་གང་འདི་བརྟུལ་ཞུགས་ཅན། ། ཆོ་ག་ཤེས་པས་སངས་རྒྱས་གཟུགས།། དངོས་ཉིད་དུ་དེ་ལྟ་བར་བྱེད།། རང་གཟུགས་རྣམ་ཤེས་བྱ་མིན་ཉིད།། སྒྲ་ནི་ཉན་པར་བྱེད་མིན་རིང།
310a2 རྣམ་པ་གཉིས་སུ་དེ་ཡི་སེམས།། སྐྱེ་བ་མིན་ཞིང་ཡང་ཡང་མིན།། གང་ཞིག་ཁོ་ནར་བསྒོམ་པར་བྱ།། གཞན་དུ་དེ་དག་མི་འགྱུར་ཉིད།། གསལ་བའི་དཀྱིལ་འཁོར་སྦྱོར་ལ་སོགས།། བསྐྱེད་ནས་དེ་ལ་བསྒོམ་པར་བྱ།།
310a3 བདག་པོའི་རྣལ་འབྱོར་ཀུན་བསྐྱེད་ནས།། མཉམ་པར་གཞག་པས་བསྒོམ་པར་བྱ།། འབྲས་བུའི་ཆོས་སུ་སྐྱེད་འགྱུར་ཏེ།། གཞན་དུ་བསྐྱེད་པར་འགྱུར་མིན་ཉིད།། བཅོམ་ལྡན་འདས་བྱང་ཆུབ་ཀྱི་སེམས་ཀྱིས་དེ
310a4 སྐད་ཅེས་གསུངས་སོ། ། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ་ལས། དང་པོའི་ཡེ་ཤེས་ཀུན་ལས་བཏུས་པའི་ལེའུ་སྟེ་བདུན་པའོ།། །། དེ་ནས
310a5 བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་དེ་རྣམས་ཐམས་ཅད་རང་གི་བ་སྤུའི་ཁུང་བུ་རྣམས་སུ་རབ་ཏུ་བཅུག་ནས། དམ་ཚིག་ཐམས་ཅད་ཀྱི་ཡེ་ཤེས་འབྱུང་བ་བྱིན་གྱིས་རློབ་པ་ཞེས་བྱ་བའི་ཏིང་ངེ
310a6 འཛིན་ལ་སྙོམས་པར་ཞུགས་སོ། ། སྙོམས་པར་ཞུགས་མ་ཐག་ཏུ་ཡང་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་དེ་རྣམས་ཐམས་ཅད་རང་གི་གཟུགས་བུད་མེད་ཀྱི་གཟུགས་སུ་བྱིན་གྱིས་བརླབས་པ་ཁོ
310a7 ནནར་བ་སྤུའི་ཁུང་བུ་རྣམས་ནས་མངོན་པར་བྱུང་བར་གྱུར་ཏོ། ། དེ་ནས་བཙུན་མོ་དེ་རྣམས་ཐམས་ཅད་ཀྱིས་ཡེ་ཤེས་ཆེན་པོའི་རིན་པོ་ཆེ་དེའི་མཆོད་པ་ཐམས་ཅད་ཀྱི་བཀོད་པས་ཡང་དག་པར་མཆོད་དེ། ནམ་མཁའི་ཁམས
iiif viewer powered by OpenSeadragon
