| e-texts navigator |
| Wylie |
307b1 འདོད་པའི་རིགས་ཀྱི་ཏིང་ངེ་འཛིན་གྱི་ལེའུ་སྟེ་ལྔ་པ་རྫོགས་སོ། ། ། དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་རང་གི་དཀྱིལ་འཁོར་དུ་བཞག
307b2 ནས་རང་གི་ཏིང་ངེ་འཛིན་ལ་སྙོམས་པར་ཞུགས་ཏེ། གཉིས་སུ་མེད་པར་མཉམ་པ་ཉིད་རྣམ་པར་རྒྱལ་བའི་རྟོག་པ་ཆེན་པོར་དངོས་གྲུབ་ཐམས་ཅད་ཀྱི་དམ་ཚིག་གི་ཡེ་ཤེས་མཆོག་གི་ལེའུ་འདི་བཀ
307b3 སྩལ་ཏོ། ། བློ་ལྡན་འདོད་པ་ཐམས་ཅད་ལ།། རྣམ་རྟོག་བྱ་བ་མིན་པ་ཉིད།། སངས་རྒྱས་ཐམས་ཅད་འཇོམས་པ་ནི།། སེམས་དཔའ་སྤང་བྱ་མིན་པ་ཉིད།། དགའ་དང་རྩོད་པའི་མཚན་ཉིད་ཀྱིས།།
307b4 སངས་རྒྱས་ཐམས་ཅད་སླུ་བ་དང་།། གཞན་དུ་དེ་ལ་ལྷའོ་ཞེས།། སེམས་ནི་བརྟན་བྱ་མིན་པ་ཉིད།། སངས་རྒྱས་ཀུན་གྱི་རྫས་གང་ཡིན།། སྐྱེ་བ་མེད་པས་ཡོན་ཏན་འབྱུང་།། སེམས་ནི་ཤིན་ཏུ
307b5 བརྟན་བྱས་ལ། ། བཙུན་མོ་ལ་སོགས་རྣམ་པར་སྒོམ།། འཇིག་རྟེན་གསུམ་པའི་དབང་ཕྱུག་མ།། རིག་མ་ཆེན་མོ་སྤྱན་མར་གྲགས།། དེ་ཡང་བཙུན་མོར་བྱས་ནས་ཀྱང་།། ཀུན་ཏུ་ཉེ་བར་ལོངས་སྤྱོད་དོ།།
307b6 ཆོ་ག་ཤེས་པས་ཡེ་ཤེས་རིགས།། ལྷན་ཅིག་འཇོམས་པར་ཡང་དག་བརྩམ།། སྲོག་ཆགས་རྣམས་ཀྱི་དགེ་འཇོམས་པ།། བསྡུ་བའི་དོན་ནི་རྟག་ཏུ་བྱ།། ཆགས་ལ་ཆགས་པས་སྦྱོར་བྱ་བ།། ཆོས་ཀྱི
307b7 རིགས་ལ་རྟག་ཏུ་བྱ། ། འདོད་མཆོད་རིགས་ནི་མཚུངས་པ་ལ།། རྟག་ཏུ་བརྫུན་ཡང་སྨྲ་བར་བྱ།། ཀུན་ལ་རང་དེ་ལྟར་འདི་བྱ།། གཞན་དུ་གྲུབ་པ་མིན་པ་ཉིད།། སངས་རྒྱས་གཟུགས་ནི་རྣམ་བསྒོམས་ནས
iiif viewer powered by OpenSeadragon
