| e-texts navigator |
| Wylie |
307a1 གཟུགས། ། ཇི་ལྟར་རིག་པར་སྔགས་པས་སྦྱིན།། གཞན་དུ་འགྲུབ་པར་མི་འགྱུར་རོ།། ཆོ་ག་ཤེས་པས་ལྷ་མོ་ལྷའི།། རང་གི་གཟུགས་ནི་རྣམ་བསྒོམ་བྱ།། གཞན་དུ་རྡོ་རྗེ་སེམས
307a2 དཔའ་རྣམས། ། དཀར་སོགས་ཆོ་ག་འབྱུང་བ་ཡི།། སྒེག་པའི་རྒྱན་གྱིས་བརྒྱན་གྱུར་པའི།། རང་གཟུགས་རྣོན་པོའི་ཚུལ་གྱིས་ནི།། ཆོ་ག་ཤེས་པས་ལྷ་མོ་དེར།། བྱས་ནས་མཚོན་ཆ་རྣམ་བསྒོམ་བྱ།།
307a3 ། ཆོག་ཤེས་པས་རྡོར་པདྨ།། ཀུན་སྦྱོར་ཆོ་ག་འབྱུང་བ་ཡིས།། རིགས་ཀྱི་གཟུགས་ནི་ཀུན་བསྐྱེད་ནས།། རང་གི་ཁུ་བས་དེ་ནི་མཆོད།། རྒྱལ་བ་ཆུ་སྐྱེས་རིགས་ཀྱི་ལྷ།། གཞན་དུ་གྲུབ་པ་ཉིད་མི་འགྱུར།། ཕྱག
307a4 ན་རྡོ་རྗེའི་རིགས་བརྗོད་པའི། ། ལྷ་ཉིད་གྲུབ་པ་ཉིད་མི་འགྱུར།། དང་པོ་དང་མཐར་ཐམས་ཅད་དུ།། འདི་ནི་ཐུན་མཚམས་བཞི་རུ་བྱ།། རྒྱལ་བ་ཆུ་སྐྱེས་རྡོ་རྗེ་སྐྱེས།། གཞན་དུ་འགྲུབ་པ་ཉིད་མ་ཡིན།
307a5 མ་མོའི་གཟུགས་ནི་ཀུན་བསྐྱེད་ནས།། འོད་ཟེར་སྣ་ཚོགས་མཉམ་པའི་འོད།། རང་གཟུགས་འདོད་མཆོད་ཚུལ་གྱིས་ནི།། ཁམས་གསུམ་པར་ཡང་སྤྲོ་བར་བྱ།། འདོད་པའི་མཆོད་པ་མཚུངས་པའི་གཟུགས།།
307a6 སྲིང་མོ་བཞིར་ནི་ཡང་དག་སྦྱོར།། གཟུགས་ཀྱི་མཚན་ཉིད་ཚུལ་གྱིས་ནི།། མཉམ་པར་བཞག་པས་སྨྲ་བར་བྱ།། གེ་སར་སེར་པོ་དང་མཚུངས་པའི།། ཚངས་པའི་གཟུགས་ནི་རྣམ་བསྒོམས་ནས།། ཆོ་ག
307a7 ཤེས་པས་སངས་རྒྱས་གཟུགས། ། བྱས་ནས་དེ་ནི་རབ་བསྒོམ་བྱ།། བཅོམ་ལྡན་འདས་རྡོ་རྗེས་འཆང་བས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ་ལས
iiif viewer powered by OpenSeadragon
