| e-texts navigator |
| Wylie |
305b1 རྗེ་གསུམ་འདོད་པའི་རིགས་སུ་བཤད།། ནམ་མཁའི་ཁམས་ནི་ཀུན་གང་བར།། བྱས་ནས་ཁྱབ་བདག་ཆོས་འཆང་བ།། ལག་ཏུ་རལ་གྲི་ཡང་དག་བསྐྱེད།། རང་གཟུགས་ཀྱིས་ནི་གཞོམ་པར་བྱ།། འདོད་མཛོད།
305b2 ཀྱིས་ནི་འཇོམས་བྱས་ནས།། ཆོས་ཀྱི་དབྱིངས་ཀྱི་ཆོ་ག་རིག། ལག་ཏུ་མདུང་ནི་ཡང་དག་བསྐྱེད།། རང་གཟུགས་ཀྱིས་ནི་ཕྱེ་མར་བརླག། གསལ་བའི་དཀྱིལ་འཁོར་ཚུལ་གྱིས་ནི།། ཡེ་ཤེས་རིགས་ནི
305b3 ཟློག་པར་བྱེད། ། ཡེ་ཤེས་དཀྱིལ་འཁོར་ཚུལ་གྱིས་ནི།། བསྡུས་པའི་རིགས་ནི་རྣམ་ལྟུང་བྱེད།། ཆོས་ཀྱི་དཀྱིལ་འཁོར་ཚུལ་གྱིས་ནི།། ཆོས་ཀྱི་རིགས་ནི་ངེས་ལྟུང་བྱེད།། ཟླ་བའི་དཀྱིལ་འཁོར་ཚུལ་གྱིས་ནི།།
305b4 ཆེན་པོའི་རིགས་ནི་ངེས་ལྟུང་བྱེད།། ཉི་མའི་དཀྱིལ་འཁོར་ཚུལ་གྱིས་ནི།། རིགས་ཀུན་ངེས་པར་ལྟུང་བར་བྱེད།། བཅོམ་ལྡན་འདས་རྡོ་རྗེ་འཆང་བས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད
305b5 རྣམ་པར་རྒྱལ་བའི་རྟོག་པ་ཆེན་པོར། ། ཆོས་ཀྱི་དཀྱིལ་འཁོར་གྱི་ཏིང་ངེ་འཛིན་ཏེ་ལེའུ་བཞི་པ་རྫོགས་སོ།། །། དེ་ནས་བཅོམ་ལྡན་འདས་ཕྱག་ནི་རྡོ་རྗེས་དེ་བཞིན་གཤེགས་པ
305b6 དེ་རྣམས་ཐམས་ཅད་རང་གི་རྡོ་རྗེ་ཆེན་པོ་ལ་གཞག་ནས། ཡེ་ཤེས་ཀྱི་རིགས་ལ་སོགས་པ་ཅན་དེ་ལ་ཡེ་ཤེས་ཀྱི་དཀྱིལ་འཁོར་ཆེན་པོའི་ཚུལ་གྱིས་རབ་ཏུ་བཅུག་ཅིང་བརྟན་པར་བྱས་ནས། དཀྱིལ་འཁོར
305b7 ཆེན་པོ་དེ་རྣམས་སུ་རང་གི་གཟུགས་ཀྱི་རྣམ་པས་ཀུན་ཏུ་གནས་པ་དང་། གཟུགས་ཆེན་པོ་ལྔ་ཆེན་པོའི་ལྷའི་རྣམ་པར་ཡང་དག་པར་སྦྱར་ནས། འདོད་པའི་རིགས་ཀྱི་ཏིང་ངེ་འཛིན་འདི་གསུངས་སོ།།
iiif viewer powered by OpenSeadragon
