| e-texts navigator |
| Wylie |
304b1 འཇིག་རྟེན་ཁམས་འདིར་སྤྲོ་བར་བྱ།། རིག་པའི་རྒྱལ་པོ་ཡང་དག་བསྐྱེད།། པདྨའི་དཀྱིལ་འཁོར་དབུས་སུ་ནི།། འཇིག་རྟེན་དབང་ཕྱུག་རབ་བསྒོམས་ནས།། གཟུགས་ཀྱིས་ནམ་མཁའ་འགེངས་པར་བྱང
304b2 ཆོས་ཀྱི་དཀྱིལ་འཁོར་དབུས་སུ་ནི། ། འཇིག་རྟེན་དབང་ཕྱུག་རབ་བསྒོམས་ནས།། རྡོ་རྗེ་སེམས་དཔའ་ཡང་དག་བསྐྱེད།། འཇིག་རྟེན་ཁམས་སུ་འདི་སྤྲོ་བྱ།། བཅོམ་ལྡན་འདས་ཀུན་ཏུ་བཟང་པོས
304b3 སྐད་ཅེས་གསུངས་སོ། ། ཆོས་ཀྱི་དཀྱིལ་འཁོར་དབུས་སུ་ནི།། རྡོ་རྗེ་སེམས་དཔའ་ཡང་དག་བསྐྱེད།། ཇི་ལྟར་རིགས་པར་གནས་ལྔ་རུ།། ཁྱབ་བདག་འཇིག་རྟེན་དབང་ཕྱུག་དགོད།། ཅེས་བཅོམ་ལྡན
304b4 འདས་འཇིག་རྟེན་དབང་ཕྱུག་གིས་དེ་སྐད་ཅེས་གསུངས་སོ། ། སྙིང་ཁའི་དབུས་སོན་ཕྲ་མོ་ནི།། ཆོས་ཀྱི་དཀྱིལ་འཁོར་མཆོག་གྱུར་པ།། ཆོས་དེར་ཡང་དག་བསྐྱེད་ནས་སུ།། འཇིག་རྟེན་ཁམས་སུ་འདི
304b5 སྤྲོ་བྱ། ། སྙིང་ཁའི་དབུས་སོན་ཕྲ་མོ་ནི།། ཆོས་ཀྱི་དཀྱིལ་འཁོར་དྲི་མེད་པ།། པདྨ་དེ་ལ་རྣམ་བསྒོམས་ཤིང་།། སངས་རྒྱས་གཟུགས་ནི་རྣམ་བསྒོམས་ནས།། སངས་རྒྱས་གཟུགས་རྣམས་ཐམས་ཅད་དུ།
304b6 འཇིག་རྟེན་དབང་ཕྱུག་རྣམ་སྒོམ་པའོ།། བཅོམ་ལྡན་འདས་ཆོས་འཆང་བས་དེ་སྐད་ཅེས་གསུངས་སོ།། སྙིང་ཁའི་དབུས་སོན་ཕྲ་མོ་ནི།། ཆོས་ཀྱི་དཀྱིལ་འཁོར་མཆོག་གྱུར་པ།། སངས་རྒྱས་ལྔ་ནི་རྣམ་བསྒོམས་ན།།
304b7 དེར་ཡང་དེ་བཞིན་བསྒོམ་པར་བྱ།། ལྟེ་བའི་དབུས་སོན་ཕྲ་མོ་ནི།། ཆོས་ཀྱི་དཀྱིལ་འཁོར་མཆོག་གྱུར་པ།། རང་གཟུགས་ལ་སོགས་རྣམ་བསྒོམས་པས།། ཆོ་ག་ཤེས་པས་བསྐྱེད་པར་བྱ།། མཐོ་གང
iiif viewer powered by OpenSeadragon
