| e-texts navigator |
| Wylie |
304a1 འདས་ཕྱག་ན་རྡོ་རྗེས་ཆོས་ཀྱི་རིགས་ཀྱི་ཏིང་ངེ་འཛིན་གྱི་ལེའུ་བཀའ་སྩལ་ཏོ། ། དཀྱིལ་འཁོར་ཆེན་པོའི་ཚུལ་དུ་ནི།། ཐམས་ཅད་དུ་ནི་དེ་ཉིད་བྱ།། ཆོས་ཀྱི་དཀྱིལ་འཁོར་ནས་སྒོས་པ
304a2 ཆོ་ག་ཤེས་པས་རབ་ཏུ་བརྩམ། ། ཆོས་ཀྱི་ཀུན་སྦྱོར་མཚན་ཉིད་ཀྱི།། རྣམ་པར་རྟོག་པ་ཡོངས་དོར་བྱ།། གསང་སྔགས་དབྱེ་བར་བརྗོད་ནས་ནི།། ཐམས་ཅད་རྣལ་འབྱོར་རྣམ་བསྒོམ་བྱ།། ཨོཾ་སརྦ་ཏ་ཐཱ
304a3 གཏ་དྷརྨཱ་ཛྙཱ་ན་སྭ་བྷཱ་བ་ཨཱཏྨ་ཀོཧཾ། དམ་ཚིག་ཆེན་པོའི་རྣལ་འབྱོར་ཉིད།། ཆོ་ག་ཤེས་པས་ཡང་དག་བརྗོད།། དངོས་པོ་ཐམས་ཅད་ཡང་དག་བསྐྱེད།། དངོས་མེད་བསྒོམ་བྱ་མིན་པ་ཉིད།། བ
304a4 ལྡན་འདས་འཇིག་རྟེན་དབང་ཕྱུག་གིས་དེ་སྐད་ཅེས་གསུངས་སོ། ། བློ་གྲོས་ལྡན་པས་པདྨ་བསམ།། པདྨ་རཱ་གའི་དབང་མཚུངས་པ།། དཀྱིལ་འཁོར་དེ་ལ་བསམ་བྱ་བ།། གཟུགས་བརྙན་དབུས
304a5 སུ་རྣམ་བསྒོམ་བྱ། ། རིག་པའི་རྒྱལ་པོ་ཡང་དག་བསྐྱེད།། འབར་བའི་འཕྲེང་བ་མཚུངས་པའི་འོད།། འབར་བའི་འདུས་པ་དེ་རྣམས་སུ།། འཇིག་རྟེན་དབང་ཕྱུག་རྣམ་བསྒོམ་བྱ།། བཅོམ་ལྡན་འདས
304a6 འཇིག་རྟེན་དབང་ཕྱུག་གིས་དེ་སྐད་ཅེས་གསུངས་སོ། ། ནམ་མཁའི་ཁམས་ནི་ཀུན་ཏུ་དགང་།། སླར་ཡང་དེ་ཉིད་ལ་བསྡུ་བྱ།། རང་གི་གཟུགས་དང་ཟླ་དབུས་གནས།། སྣ་ཚོགས་ཁ་དོག་མཚུངས
304a7 པའི་འོད། ། སྙིང་ཁ་རུ་ནི་རྣམ་བསྒོམས་ནས།། ལྕེ་ལ་གསང་སྔགས་སྒོམ་པའོ།། རང་གཟུགས་དེ་ཡི་དབུས་གནས་པར།། སངས་རྒྱས་ཡེ་ཤེས་རྣམ་པར་བརྒྱན།། འཇིག་རྟེན་དབང་ཕྱུག་ཡང་དག་བསྐྱེད།།
iiif viewer powered by OpenSeadragon
