| e-texts navigator |
| Wylie |
303b1 རྡོ་རྗེ་སེམས་དཔའ་རྣམ་བསྒོམ་བྱ།། རྡོ་རྗེ་སེམས་དཔའ་ཡང་དག་བསྐྱེད།། རིགས་ཀྱི་དབྱེ་བ་བསྒོམ་པར་བྱ།། རྒྱང་གྲགས་ཙམ་ལས་འདས་པར་ནི།། ཡེ་ཤེས་ཕྲ་མོ་རྣམ་པར་སྒོམ།། རང་གི་གཟུགས་ཀྱི
303b2 ། ཚུལ་གྱིས་ནི།། དབུས་སུ་ཡང་དག་བཞག་བསྒོམ་བྱ།། ཆོ་ག་ཤེས་པས་རྡོ་རྗེའི་རྩེར།། རྣམ་པ་ལྔ་རུ་རྣམ་བསྒོམ་བྱ།། དཀར་པོ་ཡེ་ཤེས་རིགས་རབ་བརྗོད།། ནག་པོ་བསྡུས་པའི་རིགས་སུ་དྲན།
303b3 དམར་པོ་པདྨའི་རིགས་ཞེས་བྱ།། སེར་པོ་འདོད་པའི་རིགས་སུ་དྲན།། མཛེས་པའི་གཟུགས་ནི་རབ་གསལ་བར།། རིག་ནས་སྣ་ཚོགས་རྒྱན་གྱིས་བརྒྱན།། པདྨ་རབ་ཏུ་རྒྱས་བྱས་ནས།། རང་གི་རྡོ་རྗེ་དེ་ལ
303b4 གཞུག། བཅོམ་ལྡན་འདས་རྡོ་རྗེ་སེམས་དཔས་དེ་སྐད་ཅེས་གསུངས་སོ།། དེ་ལྟར་བྱས་པས་གང་ལྡན་པ།། དེ་ལྡན་ཡེ་ཤེས་རྙེད་པར་དཀའ།། རང་གཟུགས་ཤིན་ཏུ་བརྟན་བྱས་ནས།། བསམ
303b5 གཏན་བརྩོན་རབ་ཏུ་གཞུག། མཛེས་ལྡན་མ་དགའ་ལྟ་བ་ན།། གཟུགས་དང་ལྡན་པར་དེ་འགྱུར་རོ།། བཙུན་མོ་མཐོང་བ་ཅམ་གྱིས་ནི།། འཐུང་འགྱུར་འདི་ནི་ཐེ་ཚོམ་མེད།། རྡོ་རྗེ་སེམས་དཔས་ཞིང
303b6 འདིར་ནི། ། ཡོངས་སུ་གང་བར་རྣམ་བསྒོམ་བྱ།། སངས་རྒྱས་གཟུགས་ནི་བརྟན་བྱས་ནས།། རྡོ་རྗེས་རྣམ་པར་ལྟུང་བར་བྱ།། བཅོམ་ལྡན་འདས་རྡོ་རྗེ་གསུམ་དབྱེར་མི་བྱེད་པས་དེ་སྐད་ཅེས་གསུངས་སོ།།
303b7 གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ་ལས། རིགས་བསྡུས་པའི་ཏིང་ངེ་འཛིན་གྱི་ལེའུ་གསུམ་པ་རྫོགས་སོ།། ། དེ་ནས་བཅོམ་ལྡན
iiif viewer powered by OpenSeadragon
