| e-texts navigator |
| Wylie |
303a1 འཁོར་སྒོམ་པ་ནི། ། རྡོ་རྗེ་སེམས་དཔའ་ཡང་དག་བསྐྱེད།། བསམས་ནས་བབས་པ་བརྩམ་པར་བྱ།། ཁྲུ་གང་ཙམ་ལས་འདས་པ་རུ།། ཆོས་ཀྱི་དཀྱིལ་འཁོར་སྒོམ་པ་ནི།། བགེགས
303a2 དགྲར་ཡང་དག་བསྐྱེད་བསམས་ནས། ། བཟླས་པ་ཀུན་ཏུ་བརྩམ་པར་བྱ།། མཐོ་གང་ཙམ་ལས་འདས་པ་རུ།། ཡེ་ཤེས་དཀྱིལ་འཁོར་སྒོམ་པ་ནི།། རྣམ་སྣང་མཛད་ཀྱི་གཟུགས་བསམས་ནས།། འཇིག
303a3 རྟེན་ཁམས་སུ་འདི་སྤྲོ་བྱ། ། མཐོ་གང་ཙས་ལས་འདས་པ་རུ།། པདྨའི་དཀྱིལ་འཁོར་སྒོམ་པ་ནི།། དབུས་སུ་གཟུགས་ནི་ཡང་དག་བསྐྱེད།། གཞོགས་སུ་སངས་རྒྱས་ཡང་དྲག་སྒོམ།། རྒྱང་གྲགས་ཙས
303a4 ལས་འདས་པར་ནི། ། ཕྲ་མོའི་དཀྱིལ་འཁོར་སྒོས་པ་ནི།། དབུས་སུ་གཟུགས་ནི་ཡང་དག་བསྐྱེད།། འཇིག་རྟེན་ཁམས་འདིར་སྤྲོ་བར་བྱ།། བཅོམ་ལྡན་འདས་རྡོ་རྗེ་ཅན་གྱིས་དེ་སྐད་ཅེས་གསུངས་སོ།།
303a5 རྒྱང་གྲགས་ཙམ་ལས་འདས་པར་ནི།། ཟླ་བའི་དཀྱིལ་འཁོར་སྒོས་པ་ནི།། སངས་རྒྱས་གཟུགས་ནི་ཡང་དག་བསྐྱེད།། གཞོགས་སུ་བཙུན་མོ་དགོད་པར་བྱ།། བཙུན་མོ་རྣམས་ནི་ཐམས་ཅད་དུ།། འོད་ཟེར་ལྔ་ནི
303a6 རྣམ་བསྒོམ་བྱ། ། མེ་ཏོག་ཡིད་དགའ་འདི་རྣམས་ཀྱིས།། ཆོ་ག་ཤེས་པས་མཆོད་པར་བྱ།། འཕྲོག་བྱེད་དྲི་ཡི་སྤྲིན་ལ་སོགས།། བསམས་ནས་སངས་རྒྱས་མཆོད་པར་བྱ།། བཅོམ་ལྡན་འདས་རྡོ་རྗེའི་སྤྱན
303a7 གྱིས་དེ་སྐད་ཅེས་གསུངས་སོ། ། ཆོ་ག་ཤེས་པས་བཙུན་མོ་ནི།། སེར་པོ་ལྟ་བུར་བསམས་ནས་ནི།། སངས་རྒྱས་སྲས་པོ་འདུས་པ་ནི།། རྣལ་འབྱོར་བསྐྱེད་དེ་བསྒོམ་པར་བྱ།། དེ་དབྱུང་ཇི་ལྟ་བར་བཀོད་ལ།
iiif viewer powered by OpenSeadragon
