| e-texts navigator |
| Wylie |
301a1 ཞི་པོ་དང་། ། དབུས་སུའང་སྔགས་པས་ཨུཏྤ་ལ།། བསྒོམ་བྱ་གཞན་དུ་མི་བསམ་མོ།། ཡེ་ཤེས་དཀྱིལ་འཁོར་ཡང་དག་སྦྱོར།། དེ་ཡི་སྟེང་དུ་རྣམ་བསྒོམ་བྱ། ཁྲོ
301a2 བོའི་རྣམ་པ་ཡང་དག་བསྐྱེད། ། འོད་ཟེར་ཡང་དག་སྦྱོར་བ་སྒོམ།། དེར་ནི་འོད་ཟེར་འདུས་རྣམས་སུ།། རྡོ་རྗེ་སེམས་དཔའ་རྣམ་བསྒོམ་བྱ།། ཆོ་ག་ཤེས་པས་དེར་རང་གཟུགས།། དབུས་སུ
301a3 ཡང་དག་གཞག་བསྒོམ་བྱ། ། བཅོམ་ལྡན་འདས་དམ་ཚིག་རྡོ་རྗེས་དེ་སྐད་ཅེས་གསུངས་སོ།། ཨོཾ་སརྦ་ཏ་ཐཱ་ག་ཏ་ཛྙཱ་ན་སྭ་བྷཱ་བ་ཨཱཏྨ་ཀོཧཾ། གསང་སྔགས་རྒྱལ་པོ་འདི་ཡིས་ནི།། རང་གི་རྣམ
301a4 རྟོག་ཡོངས་འདོར་བྱ། ། རང་གཟུགས་ཧཱུཾ་ཡིག་ཅེས་བརྗོད་པ།། བྱས་ནས་ཀུན་ཏུ་རྣམ་བསྒོམ་བྱ།། ཆོ་ག་ཤེས་པས་དེ་རྣམས་སུའང་།། ཧ་ཡིག་མཐར་ཐུག་རྣམ་བསམ་བྱ།། རང་གཟུགས་ལ
301a5 སོགས་མཚུངས་པའི་འོད། ། ལྷ་དེ་སྐད་ཅིག་དེ་ལ་འགྱུར།། གསལ་བའི་དཀྱིལ་འཁོར་ཡང་དག་སྦྱོར།། སྙིང་ཁར་དེ་ལ་རྣམ་བསམ་བྱ།། ཆོ་ག་ཤེས་པས་གསང་སྔགས་ཡིག། ཆོ་ག
301a6 མཐོང་བས་བསྒོམ་པར་བྱ། ། བཅོམ་ལྡན་འདས་དམ་ཚིག་རྡོ་རྗེས་དེ་སྐད་ཅེས་གསུངས་སོ།། གནས་ལྔར་ཡང་དག་སྦྱར་བྱ་བ།། རྩེ་མོ་ལྔ་རུ་རྣམ་བསྒོམ་བྱ།། སྔགས་ཀྱི་ཡི་གེ་ཐམས་ཅད་དུ།།
301a7 རྡོ་རྗེ་སེམས་དཔའ་རྣམ་བསྒོམ་བྱ།། སངས་རྒྱས་གཟུགས་ནི་རྣམ་བསྒོམས་པས།། ཆོ་ག་ཤེས་པས་སྤྲོ་བར་བྱ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྲས་ཀྱི་གཙོ་བོས་དེ
iiif viewer powered by OpenSeadragon
