| e-texts navigator |
| Wylie |
299b1 སེམས་དཔའ་ནམ་མཁའི་ཁམས། ། ཡང་དག་གང་བར་རྣམ་བསྒོམ་བྱ།། རང་གཟུགས་ཞགས་པ་ཡང་དག་སྦྱོར།། ཁྱབ་བདག་སངས་རྒྱས་གཟུགས་དགོད་བྱ།། ཇི་སྲིད་ནམ་མཁའི་དཀྱིལ་འཁོར་དུ།།
299b2 ཆོ་ག་ཤེས་པས་དགུག་པར་བྱ།། རང་གཟུགས་སངས་རྒྱས་ཡང་དག་སྦྱོར།། བྱང་ཆུབ་སེམས་སུ་རྣམ་སྒོམ་མོ།། སྔགས་ཀྱི་ཡི་གེ་སོགས་སྦྱོར་གྱིས།། དེ་ཡི་རྣམ་པར་མྱུར་བསྒོམ་བྱ།། བྱང་ཆུབ་སེམས་ཀྱིས
299b3 ཡང་དག་བསྐྱེད། ། འོད་ཟེར་འབར་བས་རྣམ་པར་བརྒྱན།། རང་གཟུགས་སངས་རྒྱས་མཚུངས་པར་ནི།། ཆོ་ག་ཤེས་པས་དབྱུང་བར་བྱ།། རང་གཟུགས་དེ་ལ་གཟུགས་གནས་པར།། འབར་བའི་འཕྲེང་བ
299b4 མཉམ་པའི་འོད། ། སྤྱན་ཞེས་བྱ་བ་ཡིད་དགའ་བ།། ཆོ་ག་ཤེས་པས་དབྱུང་བར་བྱ།། ཟླ་བའི་དཀྱིལ་འཁོར་དབུས་གནས་པར།། སྤྱན་ནི་སྙིང་ཁར་རྣམ་པར་དགོད།། ཆོ་ག་ཤེས་པས་འོད་རྣམ་པར།། རྡོ་རྗེ
299b5 སེམས་དཔའ་རབ་གཞུག་བྱ། ། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། རང་གཟུགས་མྱུར་བའི་དཀྱིལ་འཁོར་དུ།། རྡོ་རྗེ་སེམས་དཔའ་ཡང་དག་བསྐྱེད།། ལྷ་ཡི་རྣམ་པར་ཡང་དག་སྦྱོར།། བསྒོམ
299b6 བྱ་རྩོམ་པ་གཞན་མིན་ནོ། ། ཉི་མའི་དཀྱིལ་འཁོར་དབུས་སུ་ནི།། རྡོ་རྗེ་སེམས་དཔར་ཡང་དག་བསྐྱེད།། ལྕགས་ཀྱུའི་རྣམ་པ་ཞགས་པ་སོགས།། བྱས་ནས་སློབ་མ་རབ་གཞུག་བྱ།། རྡོ་རྗེ་སེམས་དཔའ་ཡང
299b7 དག་བསྐྱེད། ། རང་གཟུགས་སྙིང་ཁར་རྣམ་དགོད་བྱ།། དགོད་པས་བྱས་ནས་ལག་སོགས་ཀྱིས།། དེ་ནས་གྲངས་ནི་ཡང་དག་བརྩམ།། བཟླས་པ་སོགས་སམ་བཏུང་བྱ་བ།། ཐོ་ལྡན་དེས་ནི་དེ་བྱའོ།། སྒྲུབ
iiif viewer powered by OpenSeadragon
