| e-texts navigator |
| Wylie |
298b1 ། ཁམས་སུ་འདི་སྤྲོ་བྱ།། རང་གི་ཕྱག་རྒྱ་སྙིང་ཁ་རུ།། བསམས་ནས་ཉི་མའི་དཀྱིལ་འཁོར་དབུས།། སངས་རྒྱས་རྣམ་པར་ཆོ་ག་ཤེས།། འོད་ཀྱི་དཀྱིལ་འཁོར་བསྒོམ་པར་བྱ།། དེ་དབུས་ཡི་གེ
298b2 བྱིན་ནས་ནི། ། འཇིག་རྟེན་ཁམས་སུ་འདྲི་སྤྲོ་བྱ།། གདུལ་བ་ལ་སོགས་ཅན་བྱས་ནས།། སླར་ཡང་དེ་ཉིད་ལ་སྦྱར་བྱ།། ཁྲུ་གང་ཙམ་ལས་འདས་པར་ནི།། ཟླ་བའི་དཀྱིལ་འཁོར་བསྒོམ་པར་བྱ།།
298b3 ། རྡོ་རྗེ་རལ་གྲི་ཡང་དག་བསྐྱེད།། འཇིག་རྟེན་ཁམས་ནི་ཡོངས་བགྲོད་བྱ།། པདྨ་དཀར་པོའི་འོད་འབར་དེང་།། བྱང་ཆུབ་སེམས་ཀྱིས་རྣམ་པར་བརྒྱན།། དབུས་སུ་རང་གི་ལྷ་ཡི་གཟུགས།། གཞོག
298b4 སུ་བཙུན་མོ་དགོད་པར་བྱ། ། ཆོ་ག་ཤེས་པས་དེ་ལྟར་གཟུང་།། རང་གི་རྡོ་རྗེ་དེ་ལ་གཞུག། འཇིག་རྟེན་ཁམས་ནི་ཐམས་ཅད་དུ།། སངས་རྒྱས་ཉིད་ཀྱིས་མཆོད་པར་བྱ།། ཞེས་བཅོམ་ལྡན་འདས
298b5 ཀུན་ཏུ་བཟང་པོས་གསུངས་སོ། ། ཇི་སྲིད་ཡང་དག་ཐོབ་སྦྱོར་སྐྱེས།། སྔགས་པས་སླར་ནི་བསྡུ་བར་བྱ།། མཐོ་གང་ཙམ་ལས་འདས་པར་ནི།། ཉི་མའི་དཀྱིལ་འཁོར་བསྒོམ་པར་ནི།། རང་གཟུགས
298b6 ཤིན་ཏུ་བརྟན་བྱས་ནས། ། ལྷ་ལ་སོགས་པ་རྣམ་པར་སྒོམ།། སྙིང་ཁར་སྔགས་ཀྱི་ཡིག་བྱིན་ནས།། སངས་རྒྱས་ཀུན་ནི་མཆོད་པར་བྱ།། མཐོ་བདུན་ཙམ་ལས་འདས་པར་ནི།། དཀྱིལ་འཁོར་བཞི
298b7 ནི་སྒོམ་པར་བྱེད། ། ལྷ་ཡི་གཟུགས་ཀྱི་དབུས་གནས་པར།། སྙིང་ཁར་དེ་ལ་བསྒོམ་པར་བྱ།། ཞེས་བཅོམ་ལྡན་འདས་རྡོ་རྗེ་དམ་ཚིག་གིས་ནི་གསུངས་སོ།། རང་གཟུགས་སྤྱན་ཞེས་བྱ་བར་ནི།། བྱས
iiif viewer powered by OpenSeadragon
