| e-texts navigator |
| Wylie |
297a1 པ་ཐམས་ཅད་ཀྱི་དམ་ཚིག་གི་སྙིང་པོ་ཡེ་ཤེས་རིགས་ཀྱི་ཏིང་ངེ་འཛིན་གྱི་ལེའུ་གསུམ་གསུངས་སོ། ། དེ་ཉིད་ཐམས་ཅད་བྱེད་བཞིན་པའི།། བསམ་གཏན་ཀུན་སྦྱོར་མཚན་ཉིད
297a2 ཀྱིས་ཆོ་ག་ཤེས་པས་རབ་ཏུ་བརྩམ། ། འདི་ནི་དེ་ཉིད་ཚུལ་དག་པའོ།། ཉི་མའི་དཀྱིལ་འཁོར་མཆོག་གྱུར་པས།། ཁྲུག་ནི་སྟོང་ཕྲག་བསམ་པར་བྱ།། ཟླ་བའི་དཀྱིལ་འཁོར་དབུས་གནས
297a3 པར་ཝ་ཡིག་དེ་ལ་བསྒོམ་པར་བྱ། ། ཀུན་ནས་ཡོངས་སུ་ཟླུམ་པོར་ནི།། མཐེའུ་ཆུང་མ་ཙམ་བསམ་པར་བྱ།། འབར་བ་དེ་ལ་ཆོ་ག་ཤེས།། སྣ་ཚོགས་ཁ་དོག་རྣམ་པར་སྒོམ།། དེ་ནི་འབར་བ་ཡང
297a4 དག་སྐྱེས། ། སངས་རྒྱས་གཟུགས་ནི་རྣམས་བསྒོམ་བྱ།། ཕྱོགས་རྣམས་ཀུན་ཏུ་ཨོཾ་ཡིག་ནི།། ཁ་དོག་སྣ་ཚོགས་རྣམ་བསམ་བྱ།། རྣམ་སྣང་ལ་སོགས་རྣམས་བསྒོམས་པས།། ཆོ་ག་ཤེས་པས
297a5 བསྐྱེད་པར་བྱ། ། ཉི་མའི་དཀྱིལ་འཁོར་དབུས་གནས་པར།། ཟླ་བའི་དཀྱིལ་འཁོར་བསྒོམ་པའོ།། བདག་ཉིད་དེ་ལ་བསམ་པ་ནི།། དགའ་བ་སྐྱེད་པའི་ཆོ་ག་ལས།། སྙིང་གི་དབུས་སོན་ཕྲ་མོ་ནི།། དྲི་མེད་ཟླ
297a6 བའི་དཀྱིལ་འཁོར་ལ། ། སྔགས་ཡིག་ཕྲ་མོའི་གཟུགས་རྣམས་ཀྱིས།། དེ་དེ་སེམས་ལ་བསམ་པར་བྱ།། ཨོཾ་ཡིག་འོད་ཟེར་ཡང་དག་སྦྱོར།། འབར་བའི་འཕྲེང་བ་མཉམ་པའི་འོད།། སངས་རྒྱས་གཟུགས
297a7 སོགས་མཚན་ཉིད་ཀྱིས། ། ཆོ་ག་ཤེས་པས་དབྱུང་བར་བྱ།། སངས་རྒྱས་གཟུགས་རྣམས་ཐམས་ཅད་དུ།། ཟླ་བའི་དཀྱིལ་འཁོར་སྒོམ་པ་ནི།། སངས་རྒྱས་བསྐྱེད་པའི་ཆོ་ག་ལས།། རང་གི་གཟུགས་སུ་དེ་ལ་བྱའོ།།
iiif viewer powered by OpenSeadragon
