| e-texts navigator |
| Wylie |
296b1 རྣམ་བསྒོམ་པ། ། འདི་ནི་རྡོ་རྗེའི་ཚུལ་འི་བྱ།། རྣོན་པོ་བའི་དྲུང་མཉམ་པའི་འོད།། རྡོ་རྗེ་སེམས་དཔའ་རྣམ་བསྒོམས་པསུ།། ནོག་ཤེས་པས་དགང་བར་བྱ།། ཞེས་བཅོམ་ལྡན་འདས་ཀུན་ཏུ་བཟང
296b2 པོས་གསུངས་སོ། ། དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན་པོ་བྱང་ཆུབ་སེམས་དཔའ་ཐམས་ཅད་ཀྱི་ཐུགས་ལས་ཕྱུང་ངོ་།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ནམ
296b3 མཁའི་ཁམས་ཐམས་ཅད་བཀང་སྟེ། བྱང་ཆུབ་སེམས་དཔའ་ཐམས་ཅད་མཆོད་པའི་སྤྲིན་རྣམས་ཀྱིས་ཡང་དག་པར་མཆོད་དེ། བཅོམ་ལྡན་འདས་རྡོ་རྗེ་འཆང་ཆེན་པོ་ལ་འདུད་པ་དང་ལྡན་པར་ཀུན་ཏུ
296b4 གནས་པར་གྱུར་ཏོ། ། དེ་ནས་དེ་བཞིན་གཤེགས་པ་ཐམས་ཅད་སླར་ཡང་འདུས་པར་གྱུར་ནས། ཀུན་ཏུ་བཟང་པོ་བྱང་ཆུབ་སེམས་དཔའ་ཆེན་པོ་ལ། དེ་བཞིན་གཤེགས་པ་ཐམས་ཅད་མཆོད་པའི
296b5 སྤྲིན་ཆེན་པོ་རྣམས་ཀྱིས་ཡང་དག་པར་མཆོད་དེ་ཕྱག་འཚལ་ནས། བྱང་ཆུབ་ཀྱི་སེམས་རྡོ་རྗེ་ལ་རབ་ཏུ་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་ཀུན་ཏུ་གང་སྟེ། འོད་ཟེར་དེ
296b6 རྣམས་དེ་བཞིན་གཤེགས་པ་ཐམས་ཅད་ཀྱི་འབྱུང་གནས་ཡང་དག་པར་བསྐུལ་བར་གྱུར་ཏོ། ། དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན་པོ་དེ་བཞིན་གཤེགས་པ་ཐམས་ཅད་བརྟན་པར་མཛད་ནས
296b7 ཡེ་ཤེས་ཀྱི་རིགས་འདི་རྒྱས་པར་བྱེད་པའི་རྒྱུད་རང་གི་གཟུགས་རྣམ་པར་སྣང་མཛོད་ཀྱི་གཟུགས་སུ་བྱིན་གྱིས་བརླབས་ནས། རང་གི་གཟུགས་ཀྱི་རྣམ་པའི་འོད་ཟེར་རྣམས་ཀྱིས་ཕྱུང་སྟེ། དེ་བཞིན་གཤེགས
iiif viewer powered by OpenSeadragon
