| e-texts navigator |
| Wylie |
295a1 པར་འབྱས་ནས་བསམ་གཏན་ཡང་དག་བརྩམ། ། དེ་ཡི་དབུས་སུ་པདྨ་ཆེ།། ཤེལ་དང་ཟླ་བ་མཉམ་པའི་འོད།། གསལ་བའི་དཀྱིལ་འཁོར་ཡང་དག་ལྡན།། དཀྱིལ
295a2 འཁོར་རྒྱུན་དུ་བསྒོམ་པར་བྱ། ། འབར་བའི་དུས་པ་དེ་རྣམས་སུ།། སངས་རྒྱས་གཟུགས་ནི་རྣམ་པར་སྒོམ།། ཀུན་ནས་ཡོངས་སུ་ཟླུམ་པོ་ནི།། ཁྲུ་ནི་ཉི་ཤུ་བསམ་པར་བྱ།། ཆོ་ག་ཤེས་པས་དེ
295a3 དབུས་སུ། ། རང་གཟུགས་དགེ་བ་བསྒོམ་པར་བྱ།། བདག་དང་བདག་གིར་རྣམ་རྟོག་པ།། དོར་བའི་བསམ་གཏན་ཡང་དག་བརྩམ།། ཡེ་ཤེས་རིགས་ཀྱི་ཆོ་ག་ཡིས།། གསང་སྔགས་སེམས་ལ
295a4 རྗེས་དྲན་བྱ། ། ཨོཾ་སརྦ་ཏ་ཐཱ་ག་ཏ་ཛྙཱ་ན་ཀུ་ལ་སྭ་བྷཱ་བ་ཨཱཏྨ་ཀོཧཾ། འདིས་ཕྱག་རྒྱ་མཉམ་པར་འདུས་པས། སྡིག་པ་ཐམས་ཅད་ཡོངས་སུ་དོར་བར་བྱའོ།། འོད་ཟེར་སྟོང་ཕྲག་བཅུ་པ་ནི།།
295a5 དང་པོར་བསམས་ནས་དྲི་མ་དབྱུང་།། ཡེ་ཤེས་རིགས་ཀྱི་ཆོ་ག་ཡིས།། རིག་པའི་རྒྱལ་པོ་རྣམ་པར་སྒོམ།། འོད་དཀར་ཕྲ་མོ་འབར་བ་ནི།། དེང་ནི་ཀུན་ཏུ་རྣམ་པར་དགོད།། ཐམས་ཅད་དེ་ཉིད
295a6 དུ་བྱ་སྟེ། ། བསྒོམ་པར་བྱ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབང་བསྐུར་བ་འདི་གསུངས་སོ།། རང་ལུས་ཤིན་ཏུ་བསྟན་བྱས་ནས།། འོད་ཀྱི་ཚུལ་གྱི་ཆོ་ག
295a7 རྣམས། ། སངས་རྒྱས་གཟུགས་ནི་འདུས་པས་ནི།། མཚོན་པས་རྡོར་སེམས་བསྐྱེད་པས་སོ།། ཆོ་ག་ཤེས་པས་རབ་བརྩམས་ན།། དེ་ཡི་དངོས་གྲུབ་རྙེད་མི་དཀའ།། རང་གི་གཟུག་ནི་མི་གཡོ་བར།
iiif viewer powered by OpenSeadragon
