| e-texts navigator |
| Wylie |
294b1 གཤེགས་པ་ཐམས་ཅད་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཀྱི་ཕྱོགས་བཅུ་རྣམས་སུ་དེ་བཞིན་ནོ། ། དེ་བཞིན་དུ་ཡོན་ཏན་ཁྱད་པར་དུ་འཕགས་པའི་རྫུ་འཕྲུལ་དང་། དེ་བཞིན་དུ་ཡོན་ཏན་དང་ལྡན
294b2 པའི་འཁོར་གྱི་དཀྱིལ་འཁོར་དང་ཐབས་ཅིག་ཏུ་ཕྱོགས་བཅུར་བཞུགས་སོ། ། འདི་ལྟ་སྟེ། ཡང་སྟོང་གསུམ་གྱི་སྟོང་ཆེན་པོ་ཞེས་བྱ་བའི་འཇིག་རྟེན་གྱི་ཁམས་མཁའ་སྣང་གི་འོད་ཟེར་གྱིས
294b3 གཡོགས་པར་གྱུར་ཏོ། ། ཉི་མའི་དཀྱིལ་འཁོར་ཐམས་ཅད་ཀྱི་འོད་ཟེར་གྱིས་ལྷན་ཅིག་པ་དང་འཐུན་པ་ཙམ་དུའང་མི་བཟོད་པའི་འོད་ཟེར་དུ་བྱས་པ་དེ་ལྟ་ཁོ་ནར་དེ་བཞིན་གཤེགས་པ་ཐམས
294b4 ཅད་ཀྱི་འོད་རྡོ་རྗེ་སེམས་དཔའི་འོད་ཀྱིས་མོག་མོག་པོར་གྱུར་ནས་ཀུན་ཏུ་གནས་སོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཕྱག་ན་རྡོ་རྗེ་ལ་བྱང་ཆུབ་སེམས་དཔའ་དང་དེ་བཞིན
294b5 གཤེགས་པ་ཐམས་ཅད་མཆོད་པའི་སྤྲིན་རྣམས་ཀྱིས་ཡང་དག་པར་མཆོད་དེ། ཀུན་ཏུ་བཟང་པོ་ཞེས་བྱ་བ་བསྐྱེད་དེ་ཅང་མི་གསུང་བའི་རྣམ་པར་གནས་པར་གྱུར་ཏོ།། དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན
294b6 པོ་བྱང་ཆུབ་སེམས་དཔའ་ཐམས་ཅད་ཀྱི་རང་གི་ཐུགས་ལ་བཞག་ནས་ཡེ་ཤེས་ཀྱི་རིགས་དེ་བསྐྱེད་པ་གསང་ཆེན་དང་བཅས་པ། དེ་བཞིན་གཤེགས་པ་ཐམས་ཅད་ཀྱི་གསང་བ་གསལ་བར་བྱེད
294b7 བའི་རྒྱུ་རང་གི་ཏིང་ངེ་འཛིན་ལ་སྙོམས་པར་ཞུགས་ཏེ། ཡེ་ཤེས་ཀྱི་རིགས་རང་གི་ཏིང་ངེ་འཛིན་སྟོན་ཏོ།། ལོགས་བཞི་པ་ལ་བུར་བཞི་པ།། རིན་ཆེན་བཞི་དང་ཡང་དག་ལྡན།། འོ་མ་ཞོ་ནི་ཀུན་བཀྲ
iiif viewer powered by OpenSeadragon
