| e-texts navigator |
| Wylie |
292a1 གང་བདེའི་ཕྱིར་ནི་རིག་མ་ཡི།། པདྨོ་ལ་ནི་གནས་པར་མཛོད།། ཀྱེ་མའོ་རེག་པ་ཤིན་ཏུ་ཟབ།། ཤེས་རབ་ཕ་རོལ་ཕྱིན་མ་འདི།། སེམས་ཅན་ཀུན་ལ་ཤེས་རབ་ཀྱིས།། མུན་པ
292a2 ཐིབས་པོ་སེལ་བར་མཛད། ། ཀྱེ་མ་འོ་ཐམས་ཅད་ངོ་མཚར་ཆེ།། མཁའ་འགྲོ་དྲ་བར་གར་མཛད་ཅིང་།། རྣམ་པར་སྣང་མཛད་མྱང་བ་དང་།། མཉེ་བ་དང་ནི་འཕྲོག་པ་མཆོག། ཀྱེ་མའོ་ཤིན་ཏུ་རབ་ཏུ
292a3 དགྱེས། ། སྐལ་ལྡན་སྐལ་སྤྱོད་པ་དང་ནི།། སྣ་ཚོགས་སྐལ་བས་བདེ་བྱེད་ཆེ།། སྣ་ཚོགས་རྡོ་རྗེ་ཤིན་ཏུ་མཛེས།། དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཆང་ཆེན་པོས་ཏིང
292a4 ངེ་འཛིན་ལས་བཞེངས་ཏེ་འཁོར་གྱི་དཀྱིལ་འཁོར་ལ་རྣམ་པར་བལྟས་ཏེ་འདི་སྐད་ཅེས་བཀའ་སྩལ་ཏོ། ། ཨཱ་ལི་དང་ནི་ཀཱ་ལི་དང་།། དེ་བྱུང་ཟླ་བ་རྣམ་པ་གཉིས།། མེ་ལོང་ལྟ་བུའི་ཡེ་ཤེས་ཏེ།
292a5 གཅིག་ཏུ་གྱུར་པ་མཉམ་ཉིད་དོ།། ས་བོན་མཚན་མར་གྱུར་པ་ནི།། སོ་སོར་རྟོག་པར་ངས་པ་ཤད་དོ།། དེ་བྱུང་སངས་རྒྱས་ཐམས་ཅད་ཀྱིས།། འགྲོ་དོན་བྱེད་པ་བྱ།
292a6 ན་ཏན།། གཟུགས་བརྙན་རྫོགས་པ་ཆོས་དབྱིངས་ཏེ།། ལྷ་ཡི་དབང་པོ་སངྱས་བསྐྱོད།། དེ་ལ་བར་མས་ཁུ་བས་བསྐྱེད།། བསྐུར་བས་རང་གི་ལྷར་བསྐྱེད་ནས།། བྱིན་གྱིས་བརླབ་པར་བྱ་བ་ནི།། རྒྱུད
292a7 རྣམས་ཀྱི་ནི་ཐུན་མོང་ངོ་། ། གསང་དང་གསང་ཆེན་ཤིན་ཏུ་གསང་།། རྣལ་འབྱོར་རྣལ་འབྱོར་ཆེན་པོ་དང་།། རྗེས་སུ་རྣལ་འབྱོར་ཞེས་བྱ་དང་།། སྟོང་པ་དང་ནི་ཤིན་ཏུ་སྟོང་།། ཆེན་པོ་སྟོང་པ་ཞེས་བྱ་དང་།། དགའ
iiif viewer powered by OpenSeadragon
