| e-texts navigator |
| Wylie |
291b1 དགྱེས་པ་ཆེན་པོ་ཞེས་བྱ་བའི་འོད་ཟེར་གྱི་ཚོགས་ཕྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གསང་བའི་སྙིང་པོ་ཟླ་བའི་ཐིག་ལེའི་དབུས་སུ་རྒྱས་པར་བྱས་ཏེ། ནམ་མཁའི་དབྱིངས་ཐམས
291b2 ཅད་དུའང་སྣང་བར་བྱས་ནས་སྟེང་འོག་ཏུའང་བཞུགས་ཏེ། མ་ལུས་ཤིང་ལུས་པ་མེད་པའི་རི་དང་། སེམས་ཅན་ཐམས་ཅད་ལ་གསལ་བར་བྱས་ནས་ཤིན་ཏུ་དགྱེས་པ་ཆེན་པོའི་བདེ་བས་མཉེས
291b3 པར་བྱས་ཏེ་སླར་ལོག་ནས། བཅོམ་ལྡན་འདས་ཤིན་ཏུ་དགྱེས་པ་ཆེན་པོའི་བདེ་བའི་བདག་པོའི་སྙིང་པོའི་མཆོག་གི་ཟླ་བའི་ཐིག་ལེའི་དབུས་ན་བདེ་བར་བཞུགས་སོ།། དེ་ནས་བཅོམ་ལྡན་འདས
291b4 དེ་བཞིན་གཤེགས་པ་ཐམས་ཅད་འོད་ཟེར་གྱི་ཚོགས་ཀྱི་ཕྲེས་པ་མཆོག་ཏུ་བདེ་བར་གྱུར་པའི་སྙིང་པོ་དེས་བསྐུལ་བ་ན་གར་མཛད་ཅིང་རང་རང་གི་ཏིང་ངེ་འཛིན་དུ་དམིགས་ནས། བཅོམ་ལྡན
291b5 འདས་དཔལ་ཀུན་ཏུ་བཟང་པོའི་ཐུགས་ཀའི་ཟླ་བའི་ཐིག་ལེའི་དབུས་སུ་གསང་བའི་དགྱེས་པ་ཆེན་པོའི་བདེ་བར་གཅིག་ཏུ་བསྡུས་པར་གྱུར་ཏེ། རང་རང་གི་སྐུ་བུད་མེད་ཀྱི་ཚུལ་དུ་བསྐྱེད་ནས་བཅོམ
291b6 ལྡན་འདས་ཀྱི་ཐུགས་ཀ་ནས་མངོན་པར་བྱུང་བར་གྱུར་ཏོ། ། དེ་ནས་མཁའ་འགྲོའི་ཚོགས་དེ་དག་ཐམས་ཅད་རབ་ཏུ་དགའ་ནས་ཅ་ཅོའི་སྒྲ་ཡང་དག་པར་འབྱིན་ཅིང་དཔྱད་ཆེན་པོ་བརྗོད་པར་གྱུར་ཏོ།།
291b7 ཀྱེ་མའོ་རྡོ་རྗེ་སེམས་དཔའ་ཡི།། རྡོ་རྗེ་ཤིན་ཏུ་དགྱེས་ཆེན་པོ།། ཀྱེ་མའོ་སྣ་ཚོགས་ཐབས་ནི་བདེ་བྱེད་ཆེ།། སྣ་ཚོགས་ཡེ་ཤེས་བདེ་བ་ཆེ།། ཀྱེ་མའོ་ཀུན་ཏུ་བཟང་པོ་ཡི།། དགེ་བའི་ཡེ་ཤེས་བདེ་བྱེད་ཆེ།།
iiif viewer powered by OpenSeadragon
