| e-texts navigator |
| Wylie |
290b1 འདོད་པ་ཀུན་གྱིས་རབ་ཏུ་འགེངས།། ཟད་མེད་གཞོམ་དུ་མེད་པ་དང་།། དང་བའི་སྐུ་ཚེ་འབྱུང་བར་འགྱུར།། བླ་ན་མེད་པའི་བྱང་ཆུབ་མཆོག། འབད་པ་མེད་པར་ཡང་དག་འཐོབ།། འདོད་པ་ཀུན་གྱི་དགའ
290b2 མོས་རྣམས། ། འབད་བྲལ་བས་ནི་འགྲུབ་པར་འགྱུར།། འགྲོ་དང་འདུག་དང་གནས་པ་ན།། མཆོག་ཏུ་ཟབ་པའི་གནས་ལ་བརྟག། འོད་གསལ་ཡེ་ཤེས་ལམ་མཁན་པ།། མཚན་ཉིད་རྟོག་པའི་རྣལ
290b3 འབྱོར་པའི། ། བསམ་གཏན་སྦྱོར་བ་འདི་ཡིས་ནི།། སེམས་ཀྱི་རིན་ཆེན་བརྟན་པར་འགྱུར།། སངས་རྒྱས་བྱང་ཆུབ་རབ་བཞུགས་པ།། བྱིན་གྱིས་བརླབ་པའང་མཛད་པར་འགྱུར།། དེ་ལྟར་གྱུར
290b4 པས་ཞུགས་ནས་ཀྱང་། ། ཇི་སྲིད་སེམས་ནི་མི་སྐྱོ་བར།། མཉམ་གཞག་ཡིད་ནི་བཟང་པོ་དང་།། དེ་ལ་འབད་པས་བསྒོམ་པར་བྱ།། དེ་འོག་ལ་ནི་ཅི་དགའ་གའི།། སྤྱད་པ་ཡིས་ནི་གཅིག
290b5 བྱས་ན། ། ཅུང་ཟད་སྤྱན་ཕྱེ་བ་ཡི་མཚན།། བྱང་ཆུབ་རྒྱ་ཆེན་ཐོབ་པར་འགྱུར།། དགོད་དམ་སྨྲ་འམ་འགུག་པ་འམ།། ལ་ལ་རབ་ཏུ་གར་བྱེད་པར།། ཇི་སྲིད་སྐྱོ་བར་མི་འགྱུར་བར།། སྒོམ་པའི་སེམས
290b6 ལ་ཞེན་པར་བྱ། ། དེ་ལྟའི་དམ་ཚིག་ལྡན་གྱུར་ཅིང་།། རྣམ་པར་མི་རྟོག་སྔགས་པ་ཡིས།། དུས་ཀྱི་ངེས་པས་ཡོངས་སྤངས་ནས།། བླ་མེད་བྱང་ཆུབ་ཐོབ་པར་འགྱུར།། དཔལ་རྡོ་རྗེ་སྙིང་པོ་རྒྱན་གྱི
290b7 རྒྱུད་ལས། ཤེས་བྱེད་ཀུན་ཏུ་སྤྱོད་པའི་ལེའུ་སྟེ་བཅུ་དྲུག་པའོ།། །། དེ་ནས་མཁའ་འགྲོ་དེ་དག་ཐམས་ཅད་གཅིག་ཏུ་འདུས་ཏེ། བཅོམ་ལྡན་འདས་རྡོ་རྗེ་འཛིན་པ་ལ
iiif viewer powered by OpenSeadragon
