| e-texts navigator |
| Wylie |
290a1 རིག་པས་སྤང་བར་བྱ། ། རྡོ་རྗེ་སེམས་དང་དེས་འདུག་པ།། སྤངས་ནས་གཞན་དུ་མི་བྱའོ།། དག་པ་དེ་ཉིད་ལ་གནས་པས།། སྦྱོར་བ་རྣམས་ཀྱང་མི་བྱ་སྟེ།། བདག་མེད་གནས་པའི
290a2 སྦྱོར་བ་ཡིས། ། ཇི་སྲིད་བར་དུ་སོ་སོར་བརྟག། དངོས་མེད་གོ་འཕང་ལ་གནས་དང་།། ཐབས་བཟང་དག་དང་ལྡན་པ་ཡིས།། རྒྱུད་ལས་གང་ཅི་འབྱུང་བ་རྣམས།། མ་བརྟགས་པས་ནི་འབྱུང་བར་འགྱུར།།
290a3 སྒོམ་པའི་སྦྱོར་བའི་སྟོབས་ཀྱིས་ནི།། དངོས་གྲུབ་མཚན་ཉིད་གང་ཡང་རུང་།། དེ་ཀུན་སྐད་ཅིག་ཙམ་ལ་ནི།། རང་ཉིད་གནས་པར་གྱུར་པ་ཡིན།། དེ་བས་དགེ་སློང་དངོས་གནས་དང་།། དེ་བཞིན་རྟོག་དགའ
290a4 རྒན་པོ་དང་། ། རང་གི་བུ་དང་རྒྱལ་པོ་ལ།། དེ་ཉིད་ཡང་དག་བཤད་མི་བྱ།། ཇི་ལྟར་མར་མེ་བུམ་ནང་གནས།། ཕ་རོལ་ཏུ་ནི་འོད་མི་གསལ།། བུམ་པ་དེ་ཉིད་ཆག་པར་གྱུར།། དེ་འོག་མར་མེ་གསལ་བར་འགྱུར།།
290a5 དེ་བཞིན་རང་ལུས་བུམ་པ་ཉིད།། དེ་ཉིད་མར་མ་ཉིད་ལྟ་བུ།། བླ་མའི་ཁ་ཡིས་ལགས་བཅག་ནས།། སྦྱོར་བའི་དེ་ཉིད་སྟོན་པ་ཡིན།། སྦྱོར་བ་དེ་ཉིད་ལ་གནས་ན།། གང་ཚེ་བརྟན་པ་མི་རྟག་ལ།། གནས་ཤིང
290a6 འཇིག་རྟེན་པ་སྤངས་ཏེ། ། སྤྱོད་པ་ཐམས་ཅད་བྱས་ན་ནི།། དེ་ལ་དེ་ཚེ་སངས་རྒྱས་གཟིགས།། ཀུན་ཏུ་ཐེ་ཙོམ་གཅོད་པ་ཡི།། རིག་པས་བྱིས་པ་བཞིན་དུ་སྤྱད།། གང་ཚེ་ཆགས་མེད་རྣལ་འབྱོར་པ།། དེ་ཚེ
290a7 ཕུན་སུམ་ཚོགས་འཕེལ་འགྱུར། ། སྡིག་པ་མ་ལུས་ལྡན་པ་དང་།། གཏི་མུག་སྒྲིབ་པ་རབ་གནས་པ།། སྨོན་པའི་རྣལ་འབྱོར་སྦྱོར་བ་ཡིས།། ཟླ་དྲུག་གིས་ནི་དོན་ཡོད་གྲུབ།། རང་ཉིད་སངས་རྒྱས་ཀུན་མཐོང་ཞིང་།།
iiif viewer powered by OpenSeadragon
