| e-texts navigator |
| Wylie |
288b1 དམྱལ་བ་རུ། ། སློབ་དཔོན་སྨོད་པར་བྱེད་པ་དེ།། གནས་པར་འགྱུར་བར་ང་ཡིས་བསྟན།། དེ་བས་བླ་མའི་ཞབས་དྲུང་དུ།། བག་མ་བཞིན་དུ་ངོ་ཚ་སྲུང་།། གླལ་དང་དགོད་པ་ལུད་པ་སོགས།།
288b2 ཁ་ལ་ལག་པས་བཀབ་ནས་སུ།། ཤིན་ཏུ་འཇམ་པར་སྨྲ་བར་བྱ།། མགོ་ཐོད་བཅིང་དང་ཚོན་བྱུག་པ།། བླ་མའི་དྲུང་དུ་མི་བྱའོ།། བྲོ་བརྡུང་བ་དང་བརྐམ་ཚིག་དག། ཐོས་པའི་ཡུལ་ནས་མི་བྱའོ།།
288b3 མདུན་འགྲོ་བ་དང་རྐང་པ་བརྐྱང་།། ཡང་དག་ཉིད་དུ་མི་བྱའོ།། ལས་ནི་གང་དག་བྱེད་པ་འམ།། མཉན་པར་ལ་སོགས་འདོད་པ་ལ།། གཟུང་ཕྱིར་ཐལ་མོ་མ་བཤིག་པར།། གནས་ནས་ལངས་ཏེ་མཐོང
288b4 ཡུལ་དུ། ། རྒྱབ་ཀྱིས་ཕྱོགས་པར་མི་བྱ་སྟེ།། མཚན་མོ་དང་ནི་ཆུ་རྒལ་དང་།། གཅོང་རོང་དག་ཏུ་གནས་གྱུར་ན།། བཀའ་ལུང་གཉེར་དུ་དགུམ་པའི་ཕྱིར།། མདུན་དུ་འགྲོ་བ་ཉེས་མི་འགྱུར།། དེ་བས་ཐབས
288b5 ནི་ཐམས་ཅད་ཀྱིས། ། རྡོ་རྗེ་འཛིན་པ་བླ་མ་མཆོག། རྗེས་སུ་འཐུན་པས་མཉེས་པར་བྱ།། དེ་མཉེས་སངས་རྒྱས་ཐམས་ཅད་མཉེས།། གང་གིས་སློབ་དཔོན་ཡང་དག་སྨད།། དེ་ཡིས་རྒྱུད་ཀུན་སྒྲུབ་པའི
288b6 མཆོག། གཉིད་དང་འདུ་འཛི་རྣམས་སྤངས་ཏེ།། བསྐལ་པ་སྟོང་དུ་ལེགས་བསྒྲུབས་ཀྱང་།། དམྱལ་སོགས་སྒྲུབ་པར་བྱེད་པའོ།། དེ་ཕྱིར་ཀུན་གྱིས་རབ་བསྒྲིམས་ཏེ།། བསམ་པ་འབྲས་བུ་སྨིན་བྱེད་པའི།།
288b7 སངས་རྒྱས་འབྲས་བུ་འདོད་པ་ཡིས།། སེམས་ཅན་དང་དང་ལྡན་པས་མཆོད།། དཔལ་རྡོ་རྗེ་སྙིང་པོ་རྒྱན་གྱིས་རྒྱུད་ལས། བླ་མ་བཀུར་བའི་ལེའུ་སྟེ་བཅུ་བཞི་པའོ།། ། རྡོ་རྗེ་པདྨོ་སྤྱོད
iiif viewer powered by OpenSeadragon
