| e-texts navigator |
| Wylie |
288a1 ཤེས་དཀྱིལ་འཁོར་མཁས། ། དེ་ཉིད་བཅུ་ཤེས་ཐེག་ཆེན་དགའ།། གསང་བ་ཟུངས་ཐུབ་སློབ་དཔོན་ཡིན།། མིག་བཟང་ཡ་སོ་བཅུ་དྲུག་པ།། ཁུ་འཁྲིག་རྟོག་པ་ཡང་དག་སྤངས།།
288a2 བླ་མ་དགའ་བ་དང་མོས་ཅན།། ཤིན་ཏུ་རྒྱན་གྱིས་རབ་བརྒྱན་པ།། དད་ལྡན་སྦྱོར་བ་ལ་གོམས་པ།། གཟུགས་བཟང་འདོད་ཆགས་ཀྱིས་མྱོས་བྱེད།། ཤིན་ཏུ་འདུལ་བ་ཁྱད་པར་ཅན།། བསྐུལ་བའི་གནས
288a3 སུ་ཡང་དག་བླངས། ། དགེ་དང་སྒོམ་པ་ལ་དགའ་བ།། རྟག་ཏུ་བླ་མ་ལ་གུས་པའི།། སློབ་མས་བླ་མ་འདི་ལྟར་བལྟ།། བླ་མ་སངས་རྒྱས་ཀུན་དང་མཉམ།། དེ་ཉིད་རྟག་ཏུ་རྡོ་རྗེ་འཆང་།། དེ་བཞིན་གཤེགས་པ་རིན
288a4 ཆེན་འབྱུང་། ། དེ་ནི་ཡེ་ཤེས་རྒྱ་མཚོ་ཆེ།། ཡིད་བཞིན་ནོར་བུ་རིན་ཆེན་སྦྱིན།། དེ་ཡི་ཡོན་ཏན་ཐམས་ཅད་གཟུང་།། སྐྱོན་ཀུན་སེམས་ཀྱིས་ཀྱང་མི་བསམ།། ཡོན་ཏན་གཟུང་ན་དངོས་གྲུབ་ཐོབ།། སྐྱོན་གྱིས་དངོས་གྲུབ
288a5 ཉམས་པར་བྱེད། ། མཆོད་རྟེན་བཤིག་དང་སྡིག་འདྲའི་ཕྱིར།། དེ་ཡི་གྲིབ་མའང་མི་འགོམ་སྟེ།། སྟན་དང་ལྷམ་དང་བཞོན་པ་དང་།། འགོམ་པར་བྱ་བ་སྨོས་ཅི་དགོས།། རྒྱུ་བ་དང་ནི་མི་རྒྱུ་བའི།། མཆོག་ཀུན་ད
288a6 ཡིས་སྤངས་པར་འགྱུར། ། སློབ་དཔོན་སྨོད་པར་བྱེད་པ་དེ།། རྨི་ལམ་དུ་ཡང་མཐོང་མི་བྱ།། དེ་ནི་བགེགས་དང་ལོག་འདྲེན་དང་།། རིམས་དང་སྤུག་དང་གཤིན་རྗེས་འཛིན།། འཆི་བར་རབ་ཏུ་འགྱུར་བ་སྟེ།།
288a7 ངན་པ་གཏུམ་པོ་བླུན་ཆེན་ཏེ།། ཕྱོགས་བཞི་དག་ཏུ་སོང་གྱུར་ཀྱང་།། བློ་ལྡན་རྣམས་ཀྱིས་མི་བསྲུང་བར།། མདུང་ལ་སོགས་པའི་མཚོན་ཆ་ཡིས།། ཁ་ན་མ་ཐོ་བྱེད་པ་བསད།། མདོ་སོགས་བསྟན་པའི
iiif viewer powered by OpenSeadragon
