| e-texts navigator |
| Wylie |
287b1 འབྱུང་བར་བྱེད། ། དེ་དེ་སྒྲུབ་པས་ཁ་ཡིས་བླང་།། བྱུང་སྟེ་གསེར་གྱི་རལ་གྲིར་འགྱུར།། དེ་ཐོགས་ཚངས་པའི་འཇིག་རྟེན་ཁམས།། སྟེང་དུ་ངེས་པར་འགྲོ་བར་བྱེད།། དེ་བཞིན་ཀུན་ཏུ་འགྲོ་བར་བྱེད།། དེ་བཞིན
287b2 རྫས་ཀུན་གང་ལ་བསྟན། ། ཐམས་ཅད་གསེར་འགྱུར་རྩི་ལྟ་བུ།། དེ་བཞིན་ཐབས་སྒྲུབ་དེ་བྱས་ནས།། རོ་ནི་སྔ་མཁོ་བཞིན་འགྱུར་ཏེ།། དེ་ཡི་སྦྱིན་སྲེག་རབ་བྱས་ནས།། དཀྱིལ་འཁོར་ཡང་དག་ཚིམ་པར་བྱ།།
287b3 དེ་བས་འདི་ནི་སྒྲུབ་པའི་མཆོག། དོན་ཀུན་ཡང་དག་འགྲུབ་བྱེད་པ།། ལས་ཐམས་ཅད་ཀྱི་གཙོ་བོ་སྟེ།། བཅོམ་ལྡན་རྡོ་རྗེ་སེམས་དཔས་གསུངས།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། རོ་ལངས་ཆེན་མོའི
287b4 ལེའུ་སྟེ་བཅུ་གསུམ་པའོ། ། །། ད་ནི་ང་ཡི་སྒྲུབ་པོ་ཡི།། དངོས་གྲུབ་སློབ་དཔོན་ལས་བྱུང་ཕྱིར།། རྒྱུད་རྣམས་ཀུན་ལས་གསུངས་པ་ཡི།། སློབ་དཔོན་བཀུར་བའི་ཆོ་ག་བཤད།།
287b5 སློབ་དཔོན་མེད་པར་གྱུར་ན་ནི།། དངོས་གྲུབ་ཐོབ་པར་མི་འགྱུར་བས།། སློབ་དཔོན་གྲངས་དང་མཚན་ཉིད་ནི།། ཡིད་གཅིག་བསྡུས་ལ་མཉན་པར་གྱིས།། དམ་སྡོམ་གྱི་ནི་སྣོད་གཙང་ལ།། སློབ་དཔོན་མཚན་ཉིད
287b6 ཡོངས་རྫོགས་པར། ། བྱེད་ཅིང་དང་པོ་ལས་འཇུག་པར།། བྱེད་པ་རྒྱུ་ཡི་སློབ་དཔོན་ནོ།། རི་བོང་འཛིན་པ་སྐུལ་བྱེད་ཅིང་།། དེ་ཡིས་སྒྲུབ་པོ་ཞིང་དག་ཅིང་།། ཡེ་ཤེས་སྒྱུ་མའི་སྣོད་རུང་བྱེད།། རྐྱེན་གྱི་སློབ་དཔོན
287b7 ཆེན་པོའོ། ། ལྷན་ཅིག་ཉན་པར་གང་གྱུར་པ།། དེ་ལས་དགའ་བ་ཡང་དག་ཐོབ།། ཐོས་པས་ཡང་དག་རབ་མཐར་ཕྱིན།། ལྷན་ཅིག་བྱེད་པའི་སློབ་དཔོན་ནོ།། མི་འགྱུར་བྱམས་ལྡན་ཤེས་རབ་ཅན།། སྔགས་རྒྱུད་སྦྱོར
iiif viewer powered by OpenSeadragon
