| e-texts navigator |
| Wylie |
287a1 བུ་མོ་སྒྲ་བཟུང་སྟེ། ། ལྷ་བཞད་དང་ནི་དབང་པོ་ལག། དཀར་པོ་དང་ནི་རི་སྒྲ་དང་།། གྲུ་གནོན་ཆུ་ཡིས་བཀྲུ་བར་བྱས།། དེ་ནས་ཙན་དན་དཀར་པོ་ཡིས།། བུ་མོ་ལུས་བྱུགས་རྒྱན
287a2 དང་གོས། ། ཡང་དག་བརྒྱན་ཏེ་མདུན་བཞག་ནས།། དཀྱིལ་འཁོར་འཇིགས་པ་བྲི་བྱ་སྟེ།། རྩ་སོགས་གསང་སྔགས་རབ་ཏུ་བཟླ།། འབྱུང་པོའི་གཏོར་མ་ཡང་བྱིན་ཏེ།། ཤ་ནི་ནག་པོ་མདངས་དང་ལྡན།། མྱོས
287a3 བྱེད་བསྲེགས་པ་རོ་ཡི་ཁར། ། མཚན་གཅིག་ཐོག་ཐག་སྦྱིན་སྲེག་བྱ།། དེ་ནས་ཐོ་རངས་དུས་སུ་ཡང་།། ཁྲག་ཆེན་ཕྱོགས་བཞིར་གཏོར་ནས་ནི།། མར་ཁུ་ཆེན་པོ་རོ་ལ་བཀུ།། དེ་ནས་རོ་དེ་ལངས་འགྱུར་ཏེ།། ཁྲོ་དང
287a4 ལྡན་པའི་ཨག་ཙར་གྱིས། ། ས་གསུམ་མོ་ཡི་སྒྲས་འགེངས་བྱེད།། ད་ཆ་སྒྲུབ་པོ་སྐྲག་མི་བྱ།། མཱ་མ་ཀཱི་ཡི་སྦྱོར་བ་སོགས།། སྲུང་བའི་འཁོར་ལོས་བསྲུང་བར་བྱ།། སྐྲག་ན་དེ་མ་ཐག་ཏུ་གསོད།། དེ་ཚེ་སྲུང
287a5 བས་བསྲུང་བྱས་ནས། ། བདག་ཉིད་ལངས་ཏེ་དེ་ཡི་རོར།། ཡུངས་ཀར་གྱིས་ནི་བརྡེག་པར་བྱ།། དེ་ནས་དེ་ནི་བབས་གྱུར་ཏེ།། སྒྲུབ་པ་པོ་ཡི་མདུན་གནས་ནས།། བཀའ་ནོད་འདི་སྐད་སྨྲ་བར་བྱད།། སེམས
287a6 ཅན་ཆེན་པོ་ཁྱོད་ཅི་འདོད། ། བདག་ལ་ཡང་དག་བཀའ་སྩོལ་ཅིག། རལ་གྲི་མིག་སྨ་ན་ས་འོག་གམ།། རྐང་མགྱོགས་དེ་བཞིན་བཅུད་ཀྱིས་ལེན།། མི་སྣང་འགུགས་པ་ལས་གང་དག། བདག་གིས
287a7 གཅིག་ཅིག་སྦྱར་བར་བྱ། ། དེ་ནས་སྒྲུབ་པོ་དེ་ཡིས་ཀྱང་།། གང་འདོད་སྨྲས་ནས་ཅང་ཏེའུ་བརྡུང་།། དེ་ནས་རོ་ལངས་ཁ་དེ་ནས།། དུ་བ་འཐུལ་ཞིང་མེ་འབར་བ།། དེ་ནས་སྦྲུལ་ནག་ལྟ་བུ་རུ།། རོ་ཡི་ཁ་ནས
iiif viewer powered by OpenSeadragon
