| e-texts navigator |
| Wylie |
285a1 ཁྲིམས། ། བྱང་ཆུབ་སེམས་དཔའ་རབ་འབྱིན་པ།། ལུས་ངག་ཡིད་གསུམ་རབ་བྱུང་བའི།། སྡོམ་པ་དེས་ཀྱང་མཁའ་འགྲོ་ཡི།། རྒྱུད་རྣམས་ཡང་དག་སྦྱོར་བར་བྱེད།། ཟླ་བ
285a2 སྙམ་དང་གཙང་སྦྲ་བསྡམ། ། གྲོང་དང་གནག་ལྷས་ཐང་ལ་ཡང་།། ངག་ལུས་ཡིད་ཀྱིས་སེམས་ཅན་ལ།། གནོད་པ་དག་ནི་ཡོང་མི་བྱེད།། དེ་བཞིན་གཤེགས་པའི་སྡོམ་པ་མཆོག། བླ་ན་མེད་པའི
285a3 བྱང་ཆུབ་སེམས། ། འགྲོ་བའི་དོན་བྱེད་བྱང་ཆུབ་སེམས།། བདེ་གཤེགས་ཐོབ་ཕྱིར་རབ་ཏུ་གཟུང་།། རྡོ་རྗེ་མི་བསྐྱོད་རིགས་ཆེན་པོ།། རྡོ་རྗེ་དང་ནི་དྲིལ་བུ་དང་།། སློབ་དཔོན་ཡང་ནི་བཟུང་བྱས་པས།། དེ་ཡི
285a4 ཡོན་ཏན་ཐོབ་པར་བྱེད། ། རིན་ཆེན་ཏོག་གི་རིགས་མཐོན་པོ།། ཉིན་མོ་མཚན་མོ་ལན་གསུམ་དུ།། ཟང་ཟིང་མི་འཇིགས་ཆོས་དང་དབང་།། བྱིན་པས་དེ་ཡི་ཡོན་ཏན་འཐོབ།། པདྨོ་སྣང་བའི་རིགས་དག
285a5 ལཕྱི་དང་ནང་དང་གསང་བ་ཡི། ། དམ་ཚིག་རབ་ཏུ་གཟུང་བ་ཡིས།། བླ་མེད་བྱང་ཆུབ་ཐོབ་པར་བྱེད།། རྔ་སྒྲ་ལས་ཀྱི་རིགས་མང་པོ།། དམ་ཚིག་དང་ནི་སྡོམ་པར་ལྡན།། བསྙེན་བཀུར་མཆོད་པ
285a6 སེམས་ཅན་དོན། ། བྱས་པ་དེ་ཡིས་ཡོན་ཏན་ཐོབ།། སྲོག་མི་གཅོད་ཅིང་གཡེམ་མི་བྱ།། མ་བྱིན་མི་བླང་བརྫུན་མི་སྨྲ།། ཕྲ་མ་འཁྱལ་པའི་ཚིག་རྩུབ་མོས།། སྨྲ་བར་མི་བྱ་བ་རྣབ་སེམས་དང་།། གནོད
285a7 སེམས་ལོག་པར་ལྟ་བ་རྣམས། ། ནམ་ཡང་བྱ་བ་མ་ཡིན་ནོ།། དཀོན་མཆོག་གསུམ་ནི་ཡོང་མི་སྤང་།། ལྷ་དང་བླ་མ་དེ་བཞིན་ནོ།། ཉེས་པ་ཀུན་གྱི་རྩ་བའི་ཕྱིར།། ཆང་ཡང་རྣམ་པར་སྤང་བར་བྱ།།
iiif viewer powered by OpenSeadragon
