| e-texts navigator |
| Wylie |
284b1 ང་ཡིས་ཡང་དག་བསྟན་པར་བྱ། ། འདི་ནི་གཉིས་པོ་འཁྱུད་པ་ཡི།། རྒྱུད་ཀྱི་དབྱེ་བ་བསྟན་པའོ།། དེ་བཞིན་དུ་ནི་ལག་བཅངས་དང་།། དགོད་དང་བལྟ་བས་ཤེས་པར་བྱ།། དེ་བཞིན་ཞེ་སྡང་གཏི་མུག་གི།
284b2 རྒྱུད་རྣམས་ཀུན་ཀྱང་ཤེས་པར་བྱ།། མཁའ་འགྲོ་མ་ཡི་རྒྱུད་ཀུན་ཡང་།། འདི་ཡི་རིམ་པས་ཤེས་པར་བྱ།། ཕྱི་ནང་དབྱེ་བ་ཤེས་པ་ཡིས།། རྒྱུད་ཀྱི་དབྱེ་བ་ཤེས་པར་བྱ།། ནང་དུ་བསྟན་པ་བླ་མའི་ལས།། །
284b3 ཡང་དག་བླངས་ཏེ་བསྒྲུབ་པར་བྱ།། ཇི་བཞིན་གནས་པ་ལ་དགོངས་ཏེ།། བདེ་བར་གཤེགས་པས་རྒྱུད་ཀུན་བསྟན།། རྡོ་རྗེ་སྙིང་པོ་རྒྱན་གྱི་རྒྱུད།། མཁའ་འགྲོ་མ་དང་མཁའ་འགྲོ་བ།། རྒྱུད་རྣམས་ཀུན་གྱི
284b4 ཕྱི་མོ་སྟེ། ། གཞན་དུ་མ་བསྒྲགས་དོན་གང་ཞིག། འདི་རུ་ཡང་དག་བསྟན་པ་སྟེ།། རྣལ་འབྱོར་གང་ཞིག་ལེན་པ་འམ།། སྒོམ་པར་བྱེད་དམ་འཆད་པ་འམ།། ཀློག་པར་བྱེད་པ་རྣལ་འབྱོར་ཆེ།། དེ་ཡང་ང
284b5 དང་འདྲ་བར་འགྱུར། ། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ཐམས་ཅད་ཀྱི་དབྱེ་བའི་ལེའུ་སྟེ་བཅུ་གཅིག་པའོ།། །། དེ་ནས་གཞན་ཡང་བཤད་བྱ་བ།། སྣ་ཚོགས་མདོ་དང
284b6 རྒྱུད་རྣམས་ཀྱི། ། སྡོམ་པ་ཡང་དག་ཤེས་འགྱུར་ན།། མཁའ་འགྲོ་ཆེན་པོར་འགྱུར་བར་བཤད།། གང་གིས་ཉན་ཐོས་རབ་འབྱིན་པ།། སྤོང་བ་ལྟུང་བའི་བྱེ་བྲག་བཤད།། བསླབ་པ་དང་ནི་རྫས
284b7 གྲགས་ཀྱིས། ། འདི་རུ་ཤེས་ཀྱང་ཡོངས་རྫོགས་བྱེད།། ཚུལ་ཁྲིམས་ཀྱི་ནི་བསླབ་པ་གསུམ།། དགེ་པའི་ཆོས་ནི་སྡད་པ་དང་།། སྡོམ་པ་ཉི་ཤུ་ལ་སོགས་དང་།། སེམས་ཅན་དོན་བྱེད་པའི་ཚུལ
iiif viewer powered by OpenSeadragon
