| e-texts navigator |
| Wylie |
283b1 བསྟིར་མེད་ཆེན་པོར་རྟག་པར་འགྲོ།། དེ་བས་ལས་འདིས་རྒྱས་གདབ་བོ།། བདག་ཉིད་རྡོ་རྗེ་མཁའ་འགྲོ་ཡི།། ཁྲོ་བོ་གཟུགས་ཅན་ཉིད་གྱུར་ནས།། ཨུཏྤལ་མཐིང་ཁ་འདྲ་བ་ཡི།། ཞལ་གསུམ་པ་ལ་ཕྱག
283b2 དྲུག་པ། ། རྡོ་རྗེ་ཏྲི་ཤཱུ་ལ་ཕུར་བུ་དང་།། ཐོད་པ་གྲི་གུག་འཁོར་ལོ་འཛིན།། མི་སྡུག་ཁྲོས་པ་ལྕེ་ལྔ་པ།། བསམས་ནས་དེ་འོག་ནམ་མཁའ་ལ།། བསྒྲུབ་བྱ་རྒྱས་པར་དམིགས་ནས་སུ།། རྡོ་རྗེ་ཕུར་པ་ལ
283b3 སོགས་པ། ། སེམས་ཅན་དཀྱིལ་འཁོར་གནས་པ་ལ།། སྒྲུབ་པོས་དེ་ཡི་ཉེས་པ་བསྒོ།། དེ་ནས་ཕྱག་མཚན་ཏྲི་ཤཱུ་ལ་དང་།། ཕུར་བུ་དྲག་པོ་མཆོག་དག་གིས།། མགོ་དང་སྙིང་ཁ་ལྟེ་བ་དང་།། རྐང་པ
283b4 གཉིས་དང་ལག་པ་ཡི། ། གནས་ལྔ་རབ་ཏུ་ཕུག་བྱ་སྟེ།། རྩེ་ལྔའི་འོད་ཟེར་ལྔ་པོ་ཡིས།། སྲིན་བུ་འཛའ་ལུ་ཀ་བཞིན་དུ།། ཁྲག་ཀུན་སྔགས་ཀྱིས་དྲངས་ནས་སུ།། ཐོད་པར་ཕབ་ནས་བཏུང་བར་བྱ།།
283b5 དེ་བཞིན་ཤ་རྣམས་ཡང་བསྡུས་ནས།། བཟའ་བ་རུ་ནི་རབ་ཏུ་བརྟག། རུས་པ་རྣམས་ཀྱང་འཆོས་བྱས་ནས།། ཤེས་པ་རྡོ་རྗེ་པདྨར་སྦྱར།། འདི་ནི་དོན་གྲུབ་རབ་བྱེད་པས།། ཟླ་བ་ཕྱེད་ནི་ཚུན་ཆད་ཀྱིས།།
283b6 རྡོ་རྗེ་འཛིན་པ་ཆེན་པོ་ཡང་།། འཆི་བར་འགྱུར་བར་གདོན་མི་ཟ།། རྡོ་རྗེ་གསང་བ་འདི་ལྟ་བུ།། བསྒྲུབ་བྱ་ལེགས་པར་བསྒྲུབ་བྱས་ནས།། ལས་ངན་བདག་གིས་དེ་མི་འཁོར།། སངས་རྒྱས་སུ་ནི་སྐྱེ་བ
283b7 འགྱུར། ། རྣལ་འབྱོར་དེ་ཡང་དེ་ཡི་མཐུས།། ཁྲོ་བོ་མཁའ་འགྲོ་ཞེས་འགྱུར་ཏེ།། ཁམས་གསུམ་གསང་དང་གསོ་བ་དང་།། སེམས་ཀྱི་རྡོ་རྗེ་བརྟན་བྱས་ནས།། སྐད་ཅིག་ཙམ་དུ་བྱེད་པར་འགྱུར།
iiif viewer powered by OpenSeadragon
