| e-texts navigator |
| Wylie |
282b1 པའི་གསང་བའི་རྒྱུད་དུ་རབ་སྦས་པ།། ཇི་བཞིན་གནས་པའི་དེ་ཁོ་ན།། ཡང་དག་བསྟན་གྱིས་རྩེ་གཅིག་ཉོན།། ལུས་ངག་ཡིད་གསུམ་བདེ་དམ་པས།། ལྷ་མོ་ལས་ནི་བསྐྱེད་བྱ་སྟེ།། བྱང་ཆུབ་ཆེན
282b2 པོ་བདེ་བ་ཡིས། ། ཚུལ་བཞིན་དུ་ནི་སྔགས་པས་བྱ།། བསྐུལ་བའི་སྙིང་པོས་འདི་སྨྲ་སྟེ།། ཛཿཞེས་སྐད་ཅིག་སྐད་ཅིག་ཏུ།། རང་གི་གནས་ན་གནས་པ་ཡིས།། དེ་ཉིད་ལྷ་ཉིད་བསྐྱེད་པར་བྱ།།
282b3 བཅུ་དྲུག་ཆ་དང་ཡང་དག་ལྡན།། ཟླ་བ་གསང་བའི་ཐིག་ལེ་ལ།། མེ་ཏོག་དང་ནི་འདྲ་བ་ཉིད།། རླུང་གིས་ཕུལ་བས་བསྐྱེད་པར་བྱ།། དེ་བཞིན་བསྐྱོད་པས་བསྒྲུབ་པར་བྱ།། དེ་བཞིན་དུ་ཡང་བསྐལ་བྱ།
282b4 བས་རྒྱུད་ཀྱི་འཕྲེང་ནི་འོད་གསལ་བཞིན།། སྟེང་དང་མདུན་དུ་རྩ་གཉིས་ལས།། བཅུ་དྲུག་གནས་སུ་ཡང་དག་གནས།། དེ་ལས་སྙིང་དབུས་རབ་ཞུགས་ཏེ།། རླུང་གི་སྦྱོར་བས་ཕུལ་བྱས་པས།། སྟེང
282b5 དང་མདོག་རབ་མཛེས་རྫོགས་སྐུ། ། བདག་གི་དཔལ་དུ་ཤེས་པར་བྱ།། དེ་ལས་བྱུང་བའི་དངོས་གྲུབ་ཆེ།། ནོར་བུ་ལ་གནས་རྟོག་བྲལ་བ།། ཐིག་ལེ་ཡིག་མེད་བསྡུས་པའི་སྐུ།། ལྷན་ཅིག་སྐྱེས་པར་ཤེས
282b6 པར་བྱ། ། དེ་ལ་དེ་ཡི་གཟུགས་ཀྱི་སྐུ།། ནམ་མཁའི་ཁམས་ཀུན་གང་བ་ཡི།། བྲལ་བའི་ཤེས་པས་དོན་བྱེད་པ།། གཞན་གྱི་དཔལ་དུ་ཤེས་པར་བྱ།། དེ་རྣམས་རྒྱུ་ལས་བྱུང་བ་ཡི།། ཡེ་ཤེས་ཤེས་རབ
282b7 ཤིན་ཏུ་གསང་། ། གསང་བ་རྣམ་པར་འགྲུབ་པ་ཡི།། རྡོ་རྗེ་སྙིང་པོའི་རྒྱན་ཅེས་བྱ།། ལྷ་མོ་ལས་བྱུང་བདེ་དང་ལྡན།། འཇའ་ཚོན་ལྟར་གསལ་རྒྱུད་དག་པ།། སྣང་བའི་སྐུ་དེ་མི་ཤིགས་པ།། རྡོ་རྗེ་ང་ཡིས་ཡང
iiif viewer powered by OpenSeadragon
