| e-texts navigator |
| Wylie |
282a1 བྱུང་བའི་སྐབས་དཀར་པོ། ། ཞལ་གསུམ་གསེར་ཞུན་ལྟ་བུར་གནས།། ཕྱག་དྲུག་གདུགས་ལ་སོགས་འཛིན་ཅིང་།། སྐྱབས་མེད་འཕོངས་པའི་སྐྱབས་མཛད་ཅིང་།། མ་ནིང
282a2 རྣམས་དང་ཟ་མ་ལ། ། བུ་ནི་སྦྱིན་པར་བྱེད་པ་པོ།། རལ་པའི་གཙུག་ཏོར་གྱིས་བརྒྱན་པ།། རིམ་མ་དང་ལྡན་སྐུ་ཆེན་འདི།། རྣལ་འབྱོར་གང་གིས་སྒོམ་བྱེད་ཅིང་།། བཟླས་པ་རྩེ་གཅིག་ཏུ་བྱེད་ན།། བགེགས
282a3 ཀྱི་གནོད་པས་དེ་མི་བརྗི། ། རིམ་ཆེན་གྱི་སྐབས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། རྣལ་འབྱོར་ཁྱད་པར་ཅན་གྱིས་ནི།། འདི་རྣམས་བྱང་ཆུབ་ཐོབ་པའི་ཕྱིར།། འཁོར་ལོ་གཙོ་བོར་རབ་བསྒོམས་ན།། 8
282a4 གི་བགེགས་ཀྱིས་ཡོང་མི་ཚུགས། ། བྱང་ཆུབ་སྙིང་པོ་དོན་གཉེར་བས།། འདི་འདྲའི་འཁོར་ལོ་ཅན་བསྒོམས་ན།། བསྒྲིམས་ནས་རྣལ་འབྱོར་བསྒོམས་པ་ཡིས།། རིང་པོ་མི་ཐོགས་འདོད་པ་འཐོབ།།
282a5 དཔལ་རྡོ་རྗེ་སྙིང་པོ་རྒྱན་གྱིས་རྒྱུད་ལས། བྱང་ཆུབ་ཀྱི་སྙིང་པོའི་རྒྱན་གཙུག་ཏོར་འབྱུང་བའི་ལེའུ་སྟེ་བརྒྱུད་པའོ།། ། དེ་ནས་ཡང་རྡོ་རྗེ་མཁའ་འགྲོ་མ་ཐམས་ཅད་འདུས
282a6 ནས། དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་རྡོ་རྗེ་འཛིན་པ་ལ་ཕྱག་འཚལ་ནས་འདི་སྐད་ཅེས་གསོལ་ཏོ།། འདི་ཡི་དཔལ་ནི་གང་ཞིག་ལགས།། རྡོ་རྗེ་དང་ནི་སྙིང་པོ་དང་།། དེ་བཞིན
282a7 རྒྱན་གྱི་དོན་ནི་ཅི། ། ཀྱེ་ཧེ་མཆོག་དེ་བསྟན་དུ་གསོལ།། དེ་ནས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་རྡོ་རྗེ་འཛིན་པས། དེ་དག་ལ་འདི་སྐད་ཅེས་བཀའ་སྩལ་ཏོ།། འདི་ནི་ཐུན་མོང་མ་ཡིན།
iiif viewer powered by OpenSeadragon
