| e-texts navigator |
| Wylie |
281a1 སྤྲོ་བའི་རྩོལ་བ་ཅན། ། འདི་འདྲ་སྒོམ་པར་བྱེད་པ་ལ།། བགེགས་ཀྱིས་གནོད་པ་ཡོད་དགོས།། སྐྱོན་མེད་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། ཡང་ནི་བྲུཾ་གྱི་ཡེ་ཤེས་ལས།།
281a2 བྱུང་བ་སྔགས་ཀྱི་འཁོར་ལོ་ཅན།། ཞལ་གསུམ་གསར་འདྲ་མདངས་པོ་ཆེ།། ཕྱག་དྲུག་འཁོར་ལོ་ལ་སོགས་པ།། རལ་པའི་གཙུག་ཏོར་གྱིས་བརྒྱན་པ།། འཛིན་ཅིང་སྟག་གིས་སྨད་གཡོགས་ཏེ།
281a3 ཐོད་པའི་འཕྲེང་བས་སྐུ་ལ་བརྒྱན།། རིག་མ་དང་ལྡན་ཆགས་པ་པོ།། འཇོ་སྒེག་ཉམས་ཀྱི་སྦྱོར་བ་མཛད།། འདི་སྒོམ་སྤྲོ་བར་བྱེད་པ་ལ།། ཉིན་དང་མཚན་དུ་རྡོ་རྗེ་སེམས།། འཁོར་བཅས་གནས་སུ་བྱོན
281a4 ནས་སུ། ། རྟག་ཏུ་སྲུང་བ་ཉིད་དུ་བྱེད།། བཀའ་བཞིན་བྱེད་པས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། དེ་བཞིན་བྲུཾ་གྱི་ཡེ་ཤེས་ལས།། བྱུང་བའི་ཁྲོ་བོ་གཙུག་ཏོར་རྒྱལ།། ཞལ་གསུམ་སེར་པོ་མདངས
281a5 དང་ལྡན། ། ཕྱག་དྲུག་ལྕགས་ཀྱུ་ལ་སོགས་པ།། འཛིན་ཅིང་སྦྲུལ་གྱིས་ཡང་དག་བརྒྱན།། འོག་ཏུ་བགེགས་ཀྱི་གཙོ་མནན་ནས།། གད་མོའི་སྒྲས་ནི་འདེབས་པར་བྱེད།། རལ་པའི་གཙུག་ཏོར་གྱིས
281a6 བརྒྱན་པ། ། ཁྲོ་བོ་འདི་འདྲ་སྒོམ་བྱེད་པའི།། རྣལ་འབྱོར་གང་ལ་སངས་རྒྱས་ཀྱི།། སྤྲུལ་པའི་བགེགས་ཀྱང་རླག་བྱེད་ན།། གཞན་མ་རྣམས་ནི་སྨོས་ཅི་དགོས།། སྙིང་འགུགས་པ་རྡོ་རྗེ་ཞེས་བྱ་བའི
281a7 ཏིང་ངེ་འཛིན་ཏོ། ། བྲུཾ་ལས་ཡང་ནི་བྱུང་བ་ཡི།། གཙུག་ཏོར་དམ་ཚིག་སྤྱོད་པ་ཅན།། ཞལ་གསུམ་གསེར་ཞུན་མདངས་ལྡན་པ།། ཕྱག་དྲུག་ཀ་པཱ་ལ་སོགས་པ།། འཛིན་ཅིང་སྣ་ཚོགས་རབ་ཏུ་འབར།།
iiif viewer powered by OpenSeadragon
