| e-texts navigator |
| Wylie |
280b1 རྣམ་འབྲེལ་ལ། ། ཐུབ་པ་སྐྱེས་མཆོག་དོན་ཡོད་ལ།། དམ་ཚིག་ཤེས་པ་རྣམས་ལ་ནི།། གསང་ཆེན་པ་ཡིས་བསྟན་པ་འདི།། བློ་ལྡན་རྡོ་རྗེ་རྣམས་ཀྱིས་ནི།། རྟག་ཏུ་བསྟེན་ཅིང་བསྒོམ་པར་བྱ།། འདོད་ཆགས་དེ་བཞིན
280b2 གཏི་མུག་རྨོངས། ། སྲེད་དང་འདུ་བྱེད་རྣམ་སེལ་བའི།། ཆོས་ནི་རྣམ་པ་ལྔ་པོ་འདི།། ཐུབ་པ་སྐྱེས་མཆོག་རྣམས་ཀྱིས་གསུངས།། བཤང་གཅི་ཁུ་ཆུ་མཆིལ་མ་ཁྲག། འཛག་པ་འབྱུང་བ་བཞིས
280b3 བསྡུས་པ། ། སྒོམ་པའི་བློ་གྲོས་རྟོགས་པ་ཡིས།། དམ་ཚིག་བརྟན་པར་བྱ་བ་སྟེ།། རྟག་ཏུ་བཟའ་ཞིང་སྦྱིན་པར་བྱ།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། སྦྱིན་སྲེག་གི་ལེའུ་སྣ་བདུན་པའོ།།
280b4 ། དེ་ནས་གཞན་ཡང་བཤད་བྱ་བ།། འགྲོ་བ་མི་ཤེས་མུན་བསལ་ཕྱིར།། ཡེ་ཤེས་ཉི་མ་ཤར་བ་ལས།། བཀག་པུ་མུན་པ་བསལ་ཚུལ་གསུངས།། གཤིན་རྗེ་གཤེད་ལ་སོགས
280b5 པ་ཡི། ། མདོག་དང་ཕྱག་མཚན་ལ་སོགས་པ།། དེ་ཀུན་མངོན་དུ་རྒྱས་པ་རུ།། བྱེ་བྲག་གིས་ནི་རྒྱས་པར་བསྟན།། དེ་ནི་ལས་ཀྱི་ཁྱད་པར་གྱི།། དབང་དུ་བྱས་པ་ཁྲོ་བོ་ཚོགས།། གཞན་དུ་མ་གསུངས་གང་ཡིན
280b6 པས་དེ་དག་འདི་རུ་བཤད་པར་བྱ། ། བྲུཾ་གྱི་ཡེ་ཤེས་ལས་བྱུང་བ།། གཙུག་ཏོར་གཟི་བརྗིད་ཕུང་པོ་སྟེ།། ཞལ་གསུམ་སེར་པོ་མདངས་དང་ལྡན།། ཕྱག་དྲུག་ཉི་མ་ལ་སོགས་པ།། འཛིན་ཅིང་སྐྱིལ་མོ
280b7 ཀྲུང་བཅས་པ། ། རལ་པའི་གཙུག་ཏོར་གྱིས་བརྒྱན་ཅིང་།། འཇིག་རྟེན་ཁམས་ཀུན་འཁྲུག་བྱེད་པའི།། གཟུགས་ཀྱི་སྤྲོས་པས་ནམ་མཁའི་གར།། རིག་མས་སྐུ་ལ་རབ་འཁྱུད་པས།། ཆགས་ཕྱིར
iiif viewer powered by OpenSeadragon
