| e-texts navigator |
| Wylie |
278a1 རྒྱལ་མཚན་ལ་སོགས་མཚོན་དགྱེ་དང་།། སིལ་སྙན་མཆོད་པའི་རྣམ་པ་ནི།། སྣ་ཚོགས་རྣམས་ཀྱིས་མཆོད་པ་བྱ།། རྣམ་པ་ཀུན་དང་ལྡན་པར་ནི།། བདག་ཉིད་ཀྱི་ནི་ལུས་བསྒོམས
278a2 ནས་མྱུར་ཆེས་བྱ་བ་བུལ་བ་དང་། ། མི་གསལ་གུག་ཀྱང་ཉམས་པ་དང་།། རྟོག་པ་ངན་པ་རྣམ་པར་སྤངས།། དེ་ནས་གསང་སྔགས་བཟླས་བརྗོད་བྱ།། བཟླས་པས་སྐྱོན་ལག་གཡས་ཀྱིས།། བསྒྲིམས
278a3 ནས་རྡོ་རྗེ་གསོར་ནས་སུ། ། གཡོན་པས་དྲིལ་བུ་ལ་གསིལ་ཞིང་།། རྡོ་རྗེ་གྲུ་ཚུལ་སྣ་ཚོགས་དང་།། བ་ངན་ཚུལ་དུ་བྱས་པས་མཆོད།། བཟླས་པ་ཡིས་ནི་མཇུག་བརྟུལ་ནས།། གཤེགས་སུ་གསོལ
278a4 དང་རང་ཉིད་འགྲུབ། ། ལུས་དང་ངག་དང་སེམས་བསྒོམས་ཏེ།། བརྟན་པོར་ཅི་བདེར་འགྲོ་བར་བྱ།། བར་ཆད་དུ་ནི་གྱུར་ནས་ཀྱང་།། ཡི་གེ་བརྒྱ་པས་བྱིན་གྱིས་བརླབ།། དེ་ལྟར་བསྒོམས་པས་སྒོམ་བྱེད
278a5 པ། རྡོ་རྗེ་ཐེག་པས་རབ་རྫོགས་པའི།། བྱང་ཆུབ་དེ་ནི་མྱུར་ཐོབ་ནས།། ཟླ་ཉི་དཀྱིལ་འཁོར་ལྟ་བུར་སྣང་།། སྣ་ཚོགས་ལས་ཀྱི་ཐོབ་འདྲེན་ཅིང་།། རིན་ཆེན་རྒྱལ་མཚན་རབ་དགའ་བྱེད།། རྒྱལ་བྱེད
278a6 པདྨའི་གདུང་བརྒྱུད་ཅན། ། གནས་ཚན་འཇིག་རྟེན་དབང་ཕྱུག་འགྱུར།། དཔལ་ལྡན་རིག་སྔགས་ཀུན་གྱི་གཙོ།། དགའ་ཆེན་འདོད་དགུར་ལྕགས་ཀྱུ་འགྱུར།། སྒྱུ་མ་བཞིན་དུ་ཀུན་ཤེས་ཤིང་།།
278a7 དྲེགས་པ་འཇོམས་བྱེད་ཁྲོ་བོར་འགྱུར།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། བྱང་ཆུབ་ཀྱི་སེམས་སྒོམ་པའི་ཡེ་ཤེས་སྒྲུབ་པའི་ལེའུ་སྟེ་དྲུག་པའོ།། ། སྦྱིན་སྲེག་དེ་ཉིད
iiif viewer powered by OpenSeadragon
