| e-texts navigator |
| Wylie |
275a1 སངས་རྒྱས་ཀུན་གྱི་ངོ་བོར་བདག། རྡོ་རྗེ་ཕྱག་རྒྱ་དང་ལྡན་པ།། གཡོན་པ་དྲིལ་བསྣམས་སྟ་ཟུར་བརྟེན།། རྡོ་རྗེ་སེམས་དཔའ་དེ་གནས་འགྱུར།། རྣལ་འབྱོར་ཆེན་པོ
275a2 དཀར་བའི་གཟུགས། ། དཀར་དང་མཐིང་ཁ་དམར་པོའི་དབུ།། སྟོང་ཉིད་ལ་སོགས་བདག་སྦྱོར་བ།། རྡོ་རྗེ་སེམས་དཔའ་ཞེས་སུ་སྨྲ།། རྡོ་རྗེ་ཕྱག་རྒྱ་རྗེས་སུ་ཆགས་པ་ལ།། ཨོཾ་སརྦ་ཏ་ཐཱ་ག་ཏ
275a3 ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོཧཾ། སངས་རྒྱས་མཆོད་པ་ལ། ཨོཾ་སརྦྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཱཏྨ་ཀོཧཾ། རང་གི་དཀྱིལ་འཁོར་སྔ་མ་བཞིན།། མདུན་དུ་བསམས་ནས་ནམ
275a4 མཁའ་ལ། ། ཁྱབ་པའི་སྦྱོར་བས་གཅིག་བྱས་ཏེ།། དཀྱིལ་འཁོར་སྔ་མ་བཞིན་བསམས་བཟླས།། བཅོམ་ལྡན་མི་མཉམ་གཞུག་བཅིང་བཞུགས།། རྡོ་རྗེ་ཕྱག་རྒྱ་ཐུགས་ཀར་བསྣམས།།
275a5 གཡས་པར་འཁོར་ལོ་རིན་པོ་ཆེ།། པདྨ་རལ་གྲི་གཡོན་པའོ།། དེ་ཉིད་གསུམ་གྱི་ཚུལ་གྱིས་ནི།། ཅི་ཙམ་ནུས་པར་བཟླས་པ་བྱ།། སྐྱོ་ན་ཡིད་ཀྱིས་དྲངས་ནས་ནི།། དེ་དག་ཐམས་ཅད་སྙིང་ཁར
275a6 གཞུག། མཉམ་པ་ཉིད་ཀྱི་གནས་འདུག་ན།། ལུས་ཀྱིས་ཅི་ཙམ་བསྐྱོད་པ་དང་།། ཚིག་ཏུ་རབ་ཏུ་འཕྲོ་བའི་རྣམས།། དེ་དག་སྔགས་དང་ཕྱག་རྒྱར་འགྱུར།། རྟག་ཏུ་སྒོམ་པའི་སྦྱོར་བས་ནི།།
275a7 དེ་ལ་སེམས་དཔའི་གཞན་མ་ཡིན།། རྣལ་འབྱོར་ངོ་བོ་གཟུགས་ཅན་ལ།། ལྷ་མོ་རྣམས་ཀྱང་དེ་ལ་འཛིན།། དབང་པོ་ལམ་དུ་གང་གྱུར་པ།། དེ་དང་དེ་ཡི་ངོ་བོ་དག། ཤིན་ཏུ་མཉམ་གཞག་སྦྱོར
iiif viewer powered by OpenSeadragon
