| e-texts navigator |
| Wylie |
274a1 @དེ་ཉིད། ། ཧཱུཾ་ཞེས་བྱ་བའི་ཡི་གེ་མཆོག། སེམས་ནི་དེ་རུ་ཞུགས་པར་བསམ།། མི་བསྐྱོད་པ་ནི་བདག་ཉིད་ཆེ།། དབང་པོའི་ལམ་དུ་བྱུང་ནས་སུ།། དང་བའི་དཀྱིལ་འཁོར་གྱིས་ནི་བརྒྱས
274a2 བདག་ཉིད་གཅིག་ཅིང་གཅིག་འགྱུར་བར། ། སྐད་ཅིག་གིས་ནི་བརྟག་པར་བྱ།། ཁྱོད་ནི་རྡོ་རྗེ་སེམས་ཞེས་བྱ།། དེ་ལ་སོགས་པས་བསྟོད་པར་བྱེད།། དེ་ནས་རྣམ་སྣང་མཛད་ལ་སོགས།། རང་གི་སྙིང་ཁར
274a3 རབ་ཏུ་གཟུང། ། གཟུགས་རྣམས་ཀྱི་ནི་རང་བཞིན་དུ།། རྣམ་པར་སྣང་མཛད་ཐུབ་པ་བཞུགས།། ཚོར་བ་རིན་ཆེན་མགོན་པོ་ཡིན།། མཐའ་ཡས་འོད་ནི་འདུ་ཤེས་སུའོ།། འདུ་བྱེད་ཀུན་ཏུ་གདོན་མི་ཟ།
274a4 མི་བསྐྱོད་པ་ནི་ཕུང་པོ་ལྔར།། དེ་བཞིན་གཤེགས་པ་ལྔ་རྣམས་ནི།། སྔགས་འདི་རྣམས་ཀྱིས་བཞུགས་པར་བསམ།། ས་ཡི་ཁམས་ཀྱི་རང་བཞིན་དུ།། དེ་ནས་སྤྱན་ནི་བཞུགས་བྱ་སྟེ།། རྣལ་འབྱོར
274a5 ཡིད་ཀྱིས་བསམ་པ་ནི། ། དེ་ཡང་སྤྲོ་བར་གནས་པར་བསམ།། མཱ་མ་ཀཱི་ཡང་ཆུ་ཡི་ཁམས།། བརླན་ཞིང་ཁྲག་ནི་རྒྱུ་བའི་ཕྱིར།། རྣལ་འབྱོར་པས་ནི་ཡིད་ཀྱིས་བསམ།། དེ་ཡི་ལུས་ནི་རྒྱས་པར་འགྱུར།།
274a6 མེ་ཡི་ཁམས་ཀྱི་རང་བཞིན་དུ།། གོས་དཀར་མོ་ཡང་བཞུགས་པར་བྱ།། ཀུན་ཏུ་ཁྱབ་པར་ཞུགས་པ་ཡི།། འོད་རྣམས་སུ་ནི་དེར་འགྱུར་རོ།། སྒྲོལ་མ་རླུང་གི་རང་བཞིན་དུ།། བཞུགས་པར་དེ
274a7 ནི་བསམ་པར་བྱ། ། རླུང་ནི་རྣམ་པ་ལྔ་རུ་འགྱུར།། དེ་བཞིན་ཡིད་མགྱོགས་རྫུ་འཕྲུལ་འགྲུབ།། རྡོ་རྗེ་དབྱིངས་ཀྱི་དབང་ཕྱུག་མ།། ནམ་མཁའི་རང་བཞིན་དག་ཏུ་འཇུག། དེ་ལུས་ཁོང་སྟོང་ཉིད
iiif viewer powered by OpenSeadragon
