| e-texts navigator |
| Wylie |
273b1 འཁོར་དབུས་གནས་པ། ། བྱང་གི་གནས་སུ་བསམ་པར་བྱ།། སྔགས་པས་ཕྱག་དྲུག་བསམ་པ་ནི།། སྤྱན་དེ་ཞལ་གསུམ་དཀར་མོ་ཡི།། རྣམ་པར་སྣང་མཛད་ཕྱག་རྒྱ་བཞིན།། དེ་ཡི་དོན་དུ་རྣམ་པར་སྒོམ།། སཱ་མ་ཀཱི།
273b2 ཡང་བསམ་པ་ནི།། ཨུཏྤལ་དང་ནི་མཐིང་འདྲ་བ།། ཞལ་གསུམ་ཕྱག་དྲུག་ཆགས་པ་སྟེ།། མི་བསྐྱོད་ཕྱག་རྒྱ་མཆོག་འཛིན་པའོ།། ཆགས་པས་ཆགས་པ་རིགས་ཀྱི་སྔགས།། ཞལ་གསུམ་ཕྱག་དྲུག་དགེ་བ་སྟེ།། སྦྱོར་བའི
273b3 ས་ནི་དཀར་མོ་བསམ། ། པདྨ་རཱ་གའི་ཕྱག་རྒྱའོ།། སྒྲོལ་མ་ཁ་དོག་སར་མོ་སྟེ།། འཁྲིལ་བག་རྒྱན་གྱིས་རབ་ཏུ་བརྒྱན།། ཞལ་གསུམ་ཕྱག་དྲུག་རབ་ཏུ་བསམ།། ཐོགས་མེད་རྒྱལ་པོའི་ཕྱག་རྒྱའོ།། སྒོ་བཞི་སྒོ་སྲུངས་དགོ
273b4 བྱ་བ་སྒོ་རྣམས་སུ་ནི་ཁྲོ་བོ་བསམ། ། ཁྲོ་བོ་ཆེན་པོ་གཤིན་རྗེ་གཤེད།། གཞན་གྱིས་མི་ཐུབ་དེ་བཞིན་ཏེ།། ཐུབ་པར་དགའ་བ་རྟ་མགྲིན་དང་།། ཁྲོ་བོ་བདུད་རྩི་འཁྱིལ་པ་བསམ།། དེ་དག་ཀུན་ཀྱང་ཞལ་གསུམ་པ
273b5 དྲག་ཅིང་དྲག་པོར་གནོན་པའོ། ། མཐིང་ཁ་སེར་པོ་དེ་བཞིན་དམར།། ལྗང་ཁུ་དག་ནི་ཁ་དོག་ཏུའོ།། མཚོན་ཆ་སྣ་ཚོགས་འཛིན་པ་སྟེ།། ཐོད་པའི་འཕྲེང་ཐོགས་དེ་བཞིན་ནོ།། གདོན་རྣམས་ཐམས་ཅད་སྐྲག་བྱེད་པ
273b6 གནོད་སྦྱིན་སྲིན་པོ་འཕྲ་མན་མ། ། མ་ཧེ་སེང་གེ་སྟག་རྣམས་དང་།། བ་ལང་ཞོན་པ་རྣམ་བཞིའོ།། རྣམ་པར་འགྱུར་བའི་ཁྲོ་གཉེར་ཅན།། ཁྲོ་བོ་སྤྱན་ནི་ཀུན་ནས་བསྡུས།། སྔགས་འདི་རྣམས་ཀྱིས་བསམ་པ་ནི།
273b7 གཤིན་རྗེ་གཤེད་ལ་སོགས་པའོ།། སྔགས་ཀྱི་དེ་ཉིད་རྗེས་མཐུན་པར།། སྔགས་པས་དཀྱིལ་འཁོར་བསྒྲུབས་ནས་སུ།། ས་ཡི་སྙིང་པོ་ལ་སོགས་པ།། སེམས་དཔའ་རྣམས་ནི་དེར་གནས་བསམ།། ལུས་དང་ངག་དང་སེམས
iiif viewer powered by OpenSeadragon
