| e-texts navigator |
| Wylie |
273a1 ཞུགས་ཅན་གྱིས་ཞལ་གསུམ་བསམ། ། དང་པོ་ཡི་ནི་སྟོང་པ་ཉིད།། གཉིས་པ་དེ་བཞིན་མཚན་མ་མེད།། གསུམ་པ་སྨོན་པ་མེད་པ་ཡི།། ཞལ་དུ་མཁས་པས་རིག་པར་བྱ།། ཕྱག་དྲུག་རྟག་ཏུ
273a2 འབར་བར་སྒོམ། ། མཚོན་ཆ་སྣ་ཚོགས་རྣམས་དང་ལྡན།། པདྨ་ལ་ནི་མཉམ་བཞག་ནས།། ཡེ་ཤེས་ཕྱག་རྒྱ་སྙིང་ཁ་ནས།། དབུས་ཀྱི་གནས་སུ་བསམ་པ་ནི།། རྡོ་རྗེ་སྐྱིལ་མོ་ཀྲུང་དུ་གནས།། ཤར་གྱི་གནས་སུ་བསམ
273a3 པ་ནི། ། སྔགས་པས་རྣམ་སྣང་ཐུབ་པ་སྟེ།། དཀར་དང་མཐིང་ཁ་དམར་བའི་ཞལ།། འཁོར་ལོ་ཕྱག་རྒྱ་སྙིང་ཁ་ན།། རྡོ་རྗེ་འབར་སོགས་འོད་གསལ་བ།། རིན་ཆེན་རྡོ་རྗེ་གཡས་པ་ན།། རལ་གྲི་པདྨ་གཡོན་པ་ན།། རྣལ་འབྱོར
273a4 ཅན་གྱིས་རྟག་པར་བསམ། ། ཐོར་ཙུགས་དབུ་རྒྱན་དག་གིས་བརྒྱན།། རིན་ཆེན་མགོན་པོ་ལྷོ་ཕྱོགས་ན།། སེར་དང་མཐིང་ཁ་དཀར་བའི་ཞལ།། རིན་ཆེན་ཕྱག་རྒྱ་སྙིང་ཁ་ན།། མར་གང་ལྟ་བུར་སྣང་བའོ།།
273a5 གཡས་ན་འཁོར་ལོ་རལ་གྲི་སྟེ།། རྡོ་རྗེ་པདྨ་གཡོན་ནའོ།། རྟག་པར་རྣལ་འབྱོར་པས་བསམ་པ།། རིན་ཆེན་ཆར་དུ་འབེབས་པའོ།། ནུབ་ཕྱོགས་གནས་སུ་དགོད་བྱ་བ།། སྣང་བ་མཐའ་ཡས་བསམ་པ་ནི།།
273a6 དམར་དང་མཐིང་ཁ་དཀར་བའི་ཞལ།། པདྨ་རཱ་གའི་མདོག་ལྟ་བུ།། པདྨའི་ཕྱག་རྒྱ་སྙིང་ཁ་ན།། རྡོ་རྗེ་རིན་ཆེན་གཡས་པ་ན།། འཁོར་ལོ་རལ་གྲི་གཡོན་པ་ན།། པདྨ་ལ་ནི་མཉམ་གཞག་བསམ།། བྱང་ཕྱོགས་གནས་སུ
273a7 དོན་གྲུབ་ནི། ། ལྗང་ཁུ་མཐིང་ཁ་དཀར་བའི་ཞལ།། རལ་གྲི་ཕྱག་རྒྱ་སྙིང་ཁ་ན།། འབར་བའི་འཕྲེང་བས་མཉམ་པའོ།། པདྨ་རྡོ་རྗེ་གཡས་པ་ན།། འཁོར་ལོ་རིན་ཆེན་གཡོན་པ་ན།། ཟླ་བའི་དཀྱིལ
iiif viewer powered by OpenSeadragon
