| e-texts navigator |
| Wylie |
272b1 ཉམས་སེམས་ཅན་འབྱུང་བར་སྒོམ། ། འོན་ཀྱང་སྔོན་གྱི་སྨོན་ལམ་ཤུགས།། དབྱངས་ཡིག་སྤེལ་བའི་གླུ་ལྡན་བྱ།། རིན་ཆེན་སེམས་ནི་རྨུགས་པ་ལ།། བདེ་གཤེགས་རྣམས་ཀྱིས་བསྐུལ་བར་སྣང་།། ཤཱུནྟ་ཏཱི་ཏི་ཡོ་ག་བཱརྡ
272b2 ། སྭཱཧཱ། པྲ་བྷཱ་བཱི་ཨཱ་ཀཱ་ཤཱ་ཏ་མཱ་པ་ག་ཏ་ས་མ་ཡ། ཨུ་པ་ཏ་པ་ཡནྟི་སུག་ཏ་སུ་ག་ཏེ་ཤྲཱི་བཛྲ་སྭཱ་ཧཱ། པཱུ་པུ་སྟྭཾ་ཧཾ། རྣམ་རྟོག་ཀུན་སྤངས་དྲི་མེད་པའི།། རྣམ་པར་མི་རྟོག་སྒོམ་པའི་སེམས།། སྔགས་ཀྱི་དེ་ཉིད་བསྐྱོད་བྱས་ལ།
272b3 ཧཱུཾ་ཞེས་པ་ཡི་གཟུགས་སུ་བརྟག། ཏིང་ངེ་འཛིན་གྱིས་དབང་འགྱུར་ན།། གང་ཕྱིར་དེ་ནི་བསྒོམས་པས་ཐོབ།། དམ་པ་ནམ་མཁའི་དབྱིངས་ལ་གནས།། བྱང་ཆུབ་སེམས་ཚོགས་དེར་བཅས་ལ།། རྣལ་འབྱོར་ཡིད་ཀྱིས་ཀུན
272b4 བསམས་ནས། ། རྒྱས་པར་རྣམ་པར་བརྟག་པར་བྱ།། ཡི་གེ་བྲུཾ་གྱིས་ལྷ་ཡི་གནས།། རྡོ་རྗེ་རིན་ཆེན་གྱིས་ནི་བརྒྱན།། སྒོ་ཁྱུད་རྟ་བབས་ཀ་བ་དག། དར་གྱི་འཕྲེང་བས་རྣམ་པར་ཀླུབས།། གྲུ་བཞི་པ་ལ་སྒོ་བཞི་པ།།
272b5 དྲིལ་བུའི་དྲ་བ་ངག་གིས་བརྒྱན།། རྟག་པར་དོ་ཤལ་མ་ལོང་དང་།། མེ་ཏོག་འཕྲེང་བས་རྒྱན་རྣམས་བྲེས།། དེ་ཡི་དབུས་སུ་སེང་གེའི་གདན།། སེང་གེ་བརྒྱད་ཀྱིས་རྣམ་པར་བརྒྱན།། སྨོན་ལམ་དབང་གིས་དེ་དག་ཀུན།
272b6 བྱང་ཆུབ་སེམས་དཔའ་མཐུ་བོ་ཆེ།། ཤར་ཕྱོགས་པ་གླང་ཤིན་ཏུ་རྒྱས།། ལྷོ་ཕྱོགས་རྟ་ཡི་གདན་བཟང་སྟེ།། ནུབ་ཕྱོགས་སུ་ནི་རྨ་བྱ་བཤད།། དེ་བཞིན་བྱང་ཕྱོགས་ནམ་མཁའ་ལྡིང་།། མི་བསྐྱོད་ཁྲོ་བོ་བསམ་པ་ནི།།
272b7 མཐིང་ཁ་དཀར་པོ་དམར་པོའི་ཞལ།། རྡོ་རྗེ་ཕྱག་རྒྱ་ཐུགས་ཀ་ན།། མཐིང་ཁ་ཁ་དོག་གསལ་ལ་བཟང་།། གཡས་ན་རིན་ཆེན་འཁོར་ལོ་སྟེ།། རལ་གྲི་པདྨ་གཡོན་པ་ན།། འཇིག་རྟེན་ཁམས་ནི་ཀུན་འཁྲུག་པའོ།། བརྟུལ
iiif viewer powered by OpenSeadragon
