| e-texts navigator |
| Wylie |
272a1 བསྒྲིམས་ཏེ་ཡང་དག་བརྟག་པར་བྱ།། དང་པོ་ལ་ནི་བུས་པའི་དང་།། གཉིས་པ་ལ་ནི་གསང་བའི་དབྱུང་།། གསུམ་པ་ཤེས་རབ་ཡེ་ཤེས་ཏེ།། བཞི་པ་དེ་ཡི་ཡེ་ཤེས་ཏེ།
272a2 བླ་མ་ལས་ནི་ཐོབ་པའོ།། དཔལ་རྡོ་རྗེ་སྙིང་པོ་རྒྱན་གྱིས་རྒྱུད་ལས། ཕན་ཡོན་དང་བཅས་པར་དབང་བསྐུར་བའི་ལེའུ་སྟེ་བཞི་པའོ།། །། གང་གིས་ཐབས་ཀྱིས་རིགས
272a3 ལྔའི་དོན། ། རང་གི་དོན་གྱུར་ཀུན་ཏུ་བཟང་།། འདི་དག་གཞན་ལ་རབ་བདེའི་ཕྱིར།། རྡོ་རྗེ་སེམས་དཔའི་སྒྲུབ་ཐབས་བཤད།། ཡིད་འོང་དབེན་པའི་ས་ཕྱོགས་སུ།། ཅི་བདེར་གནས་ལ
272a4 ནམ་མཁའ་ཀུན། ། སེམས་ཀྱིས་ཁྱབ་པར་བྱས་ནས་སུ།། རྣམ་བརྟགས་ཨེ་མའོ་འཇིག་རྟེན་ཀུན།། སྡུག་བསྔལ་ཆོས་ཀྱིས་ཀུན་ནས་གཙེས།། བྱང་ཆུབ་སེམས་ཉམས་སེམས་ཅན་རྣམས།།
272a5 ཀུན་ལས་འབྱུང་ཞེས་དམ་བཅས་པའི།། སྔགས་པས་སྤྱི་བོར་གཞག་པ་ནི།། ཨཱཿསེམས་ཀྱི་རྡུལ་ཕྲན་ཆ་དྲུག་རྣམས།། ཕྱོགས་བཅུ་དག་ཏུ་ཕྱེ་ནས་སུ།། ཆོས་ཀྱི་དོན་རྣམས་ངེས་བསལ་ནས།། ཤིན་ཏུ
272a6 དྲི་མང་སེམས་དག་པ། ། འདས་དང་མ་འོངས་པ་ཡི་སེམས།། ད་ལྟར་ཡང་ནི་དམིགས་སུ་མེད།། གཉིས་མེད་དེ་ལ་གཉིས་མེད་མེད།། ནམ་མཁའ་ཞེས་པའང་གནས་པ་མེད།། དེ་ལྟར་ཀུན་ཏུ་བརྟགས་ནས་སུ།། འགྲོ
272a7 བ་ཐམས་ཅད་ཤིན་ཏུ་སྟོང་། ། དྲི་མེད་རྣལ་འབྱོར་ཉིད་ཀྱི་ཡིན།། དངོས་པོ་མེད་པར་རང་སེམས་བསམ།། འགྲོ་བ་འདི་ནི་དེ་ལྟ་བུའི།། དངོས་པོ་གང་དག་ཡོད་མིན་ན།། སྡུག་བསྔལ་སྣ་ཚོགས་གང་དག་ལགས།། སེམས
iiif viewer powered by OpenSeadragon
