| e-texts navigator |
| Wylie |
271b1 བླ་མ་ལ་དབུལ་བ། ། རྡོ་རྗེ་སེམས་དཔའི་རིགས་ཡིན་ཏེ།། ཡོན་ཏེ་ཡོན་གྱི་མཆོག་ཡིན་ནོ།། ཤིང་རྟ་རྟ་ནི་ཤིན་ཏུ་བརྒྱན།། རང་གི་ཆུང་མ་དབུལ་བྱ་སྟེ།། རིན་ཆེན་སྣ་ཚོགས་རྣམ་དག་པ།
271b2 ཡོན་དེ་རིན་པོ་ཆེ་ཡི་རིགས།། མུ་ཏིག་འཕྲེང་བ་ཤིན་ཏུ་མཛེས།། བུ་མོ་རིན་ཆེན་འདྲ་བ་ཡིས།། བརྒྱན་ཏེ་བླ་མ་ལ་དབུལ་བ།། ཡོན་དེ་པདྨའི་རིགས་ཡིན་ནོ།། རྒྱལ་པོ་དང་ནི་དབང་ཕྱུག་དང་།། ཆུང་མ་འཕྲུལ
271b3 གྱི་བཞོན་པ་སོགས། ། གླང་པོ་རྟ་ནི་ཤིན་ཏུ་བརྒྱན།། དེ་བཞིན་གཤེགས་པ་ཀུན་གྱི་རྗེ།། ནན་ཏན་བླ་མ་དབུལ་བྱ་བ།། སྣ་ཚོགས་རྡོ་རྗེའི་རིགས་ཡིན་ནོ།། དེ་རྣམས་བཞི་དང་འགྱུར་བ་དང་།། མི་འགྱུར་བ་ཡི
271b4 བྱེ་བྲག་གིས། ། གསུམ་དུ་ཤེས་བྱ་བླ་མ་ལ།། བློ་ལྡན་རྡོ་རྗེ་སློབ་མ་ཡིས།། ཅི་སྟེ་བདེ་བ་ཀུན་འདོད་ན།། དད་མོས་སེམས་ཀྱིས་དབུལ་བར་བྱ།། ཡིད་ལ་གང་བསམས་མ་ཕུལ་ལམ།།
271b5 ཁས་བླངས་དེ་ནི་མ་ཕུལ་ན།། ཡི་དགས་དམྱལ་བ་རྣམ་གཉིས་སུ།། ངེས་པར་སྐྱེས་ཏེ་རླག་པར་འགྱུར།། དེ་བས་དེ་རྣམས་རབ་ཕུལ་ནས།། གསོལ་བ་དག་ནི་རབ་ཏུ་གདབ།། རྡོ་རྗེ་དཀྱིལ་འཁོར
271b6 ཆེན་པོ་ཡི། ། དཀྱིལ་འཁོར་དུ་ནི་བདག་ཞུགས་སོ།། སྦྱོར་བའི་དཀྱིལ་འཁོར་ཆེན་པོ་ཡི།། དཀྱིལ་འཁོར་དུ་ནི་བདག་ཞུགས་སོ།། སྦྱོར་བའི་དཀྱིལ་འཁོར་ཆེན་པོ་ཡི།། དཀྱིལ་འཁོར་བདག
271b7 གིས་དེ་རིང་མཐོང་། ། གསང་བའི་དཀྱིལ་འཁོར་ཆེན་པོ་ཡི།། དཀྱིལ་འཁོར་དུ་ནི་བདག་དབང་བསྐུར།། དེ་ནས་བླ་མ་དེ་ཡིས་ཀྱང་།། དེ་ལ་དབང་བསྐུར་སྦྱིན་བྱ་སྟེ།། དྲི་དང་མེ་ཏོག་འཕྲེང་བས་བརྒྱན།།
iiif viewer powered by OpenSeadragon
