| e-texts navigator |
| Wylie |
271a1 དེ་ནས་རྒྱལ་དབང་སློབ་མ་དེ།། ནང་ནི་སྦས་པ་བཏུས་པ་ཡི།། གསང་བ་མཉམ་པར་འཇུག་པ་ཡི།། སྦྱོར་དང་ལྡན་པས་དབང་བསྐུར་བྱ།། རྡོ་རྗེ་པདྨོ་ལས་དྲང་བ།། སྦོམ་པོ་མཐའ
271a2 ལྟལྷག་རྩེ་སྦྱར་ནས། ། རྐན་དུ་རྡོ་རྗེ་གཞག་པར་བྱ།། ཀྱེ་མའོ་བདེ་བ་བདེ་བ་ཆེ།། ཀྱེ་མའོ་དམ་ཚིག་བདེ་བརྗོད་ཅིང་།། ཀྱེ་མའོ་བདེ་བ་བླང་བར་བྱའོ།། འདི་ནི་གསང་བ་ཞེས་བྱ་བའི།། དེ་དབང་བསྐུར་བའི་ཐབས
271a3 མཆོག་གོ། ཡང་ན་ཤིན་ཏུ་དང་བ་དང་།། གཟུགས་བཟང་སྒྲུབ་ལ་དགའ་བ་དང་།། སྦྱོར་གོམས་བླ་མ་ལ་ནི་དབུལ།། བླ་མས་བྱིན་བརླབས་ལྷ་མོ་དང་།། སྒྲུབ་པ་དེ་ལ་སྦྱིན་པར་བྱ།། དེ་ཡིས་བླངས་ནས
271a4 བརྩོན་པའི་ཚོགས། ། ཇི་སྐད་གསུངས་བཞིན་རབ་བྱས་ནས།། རང་གི་ལྷ་དང་སངས་རྒྱས་དང་།། བྱང་ཆུབ་སེམས་དཔའི་ཚོགས་རྣམས་ཀུན།། མཉེས་བྱེད་ཆོ་གས་སེམས་བརྟགས་ཏེ།། མངོན་སུམ་བདེ
271a5 བ་རང་བྱུང་བ། ། གཞན་གྱིས་གང་དུ་བསྒྲག་མི་ནུས།། གོ་བའི་ཡུལ་དེ་བདེ་བ་ཆེ།། བླ་མ་དེ་ལ་དབུལ་བར་བྱ།། བླ་མ་གཞན་ལ་དེ་བཞིན་དུ།། ཅི་དགའ་བ་ཡི་ཡོན་ཡང་དབུལ།། སློབ་དཔོན་ཅུང་ཟད་ཅི
271a6 འདོད་པ། ། ཡིད་ལ་བསམས་པ་དབུལ་བར་བྱ།། དམ་ཚིག་འདའ་བས་འཇིགས་པའི་ཕྱིར།། བསྒྲིམས་ཏེ་དེ་བཞིན་དབུལ་བར་བྱ།། སློབ་དཔོན་གྱི་ནི་ཡུལ་གྱི་མཆོག། རིགས་ཀྱི་ཁྱད་པར་གྱིས་ནི་ལྔ།།
271a7 བུམ་པའི་དབང་སོགས་དབྱེ་བ་ཡིས།། ཡང་ན་གསུམ་དུ་འགྱུར་བ་ཡིན།། རང་གི་མ་དང་སེང་གེའི་གདན།། ཡོན་གྱི་མཆོག་སྟེ་སངས་རྒྱས་རིགས།། གསེར་དང་གླང་པོ་རིན་ཆེན་དང་།། སྲིང་མ
iiif viewer powered by OpenSeadragon
