| e-texts navigator |
| Wylie |
270b1 གསུམ་པའོ། ། །། དེ་ནས་གཞན་ཡང་བཤད་བྱ་བ།། དབང་བསྐུར་བ་ཡི་ཆོ་གའི་མཆོག། གང་གིས་ལེགས་པར་བྱེད་འགྱུར་ན།། དེ་ནི་སངས་རྒྱས་ཉིད་དུ་འགྲུབ།།
270b2 སློབ་དཔོན་མཚན་ཉིད་ཐམས་ཅད་ལྡན།། ཡང་དག་ཤེས་ཤིང་རྒྱུད་ཤེས་པ།། དེ་ཉིད་བཅུ་ལ་སོགས་པ་ཡི།། གསང་རིག་ཆོ་ག་ཤེས་པ་པོས།། བསྒྲིམས་ཏེ་སློབ་མ་ཡང་དག་གཟུང་།། བླ་མ་ལ་གུས
270b3 ད་པའོ། ། དགེ་སྒོམ་ལྷ་རྣམས་མཆོད་བྱེད་པ།། གཏོང་ཕོད་ཡོན་ཏན་ལྡན་པའོ།། དེ་ནས་སློབ་མ་དེ་ཡིས་ཀྱང་།། ལངས་ཏེ་ཞབས་ལ་མགོས་གཏུགས་ནས།། རྒྱལ་པོ་དབང་ཕྱུག་བདེ་དམ་པ།། གོས་དང་རྒྱན་གྱིས
270b4 ལེགས་པར་བགོས། ། སྟེང་དུ་བླ་རེ་བྲེ་བར་བྱ།། གདུགས་དང་རྒྱལ་མཚན་པ་ངན་དང་།། ལཱམ་དང་ཚངས་པའི་སྐུད་པ་དང་།། གདུ་བུ་དག་དང་སྐ་རགས་དང་།། བཀྲ་ཤིས་ཚིགས་བཅད་སྣ་ཚོགས་ཀྱིས།། སློབ་མ་སྡིག
270b5 དང་བྲལ་བ་ལ། ། སློབ་དཔོན་གྱིས་ནི་དབང་བསྐུར་རོ།། དང་པོ་རྣམ་རྒྱལ་བུམ་པ་དང་།། དེ་ནས་ལྷ་མོ་བཞི་རྣམས་དང་།། ལྷ་རྣམས་ཀུན་གྱི་བཞི་པོ་བཞིས།། བཀྲ་ཤིས་ཚིགས་བཅད་གླུ་སྒྲ་དང་།། རྡོ་རྗེ་དྲིལ
270b6 བུ་གསིལ་བ་ཡིས། ། སྐྱོབ་པའི་དཀྱིལ་འཁོར་མངོན་སུམ་དུ།། ཏིལ་གྱི་གང་བུ་བཞིན་གང་བའི།། རྒྱལ་བས་བུམ་པ་བཟུང་ནས་ནི།། དེ་ཉིད་ལ་ནི་དབང་བསྐུར་བར།། དཀྱིལ་འཁོར་དེ་ཉིད་རིག་པར་བས
270b7 དེ་ལྟ་བུ་ནི་བསམས་ནས་ཀྱང་། ། ཆོས་ཀྱི་མཚན་ཉིད་བསྟན་པར་བྱ།། དེ་ནས་ཡིད་འོང་བུ་མོ་ནི།། ལེགས་པར་གོམས་པ་དབང་ཐོབ་པ།། རྒྱན་གྱིས་རབ་བརྒྱན་རབ་མཛེས་པ།། བཙལ་ཏེ་བླ་མ་ལ་ཕུལ་ནས།
iiif viewer powered by OpenSeadragon
