| e-texts navigator |
| Wylie |
270a1 དེ་ལ་མར་མེ་བརྒྱ་སོགས་པའི།། མཆོད་པ་ཕུལ་ནས་བསྟོད་བྱ་སྟེ།། བཤང་གཅི་ཁུ་བ་ཁྲག་རྣམས་ནི།། དུང་ཆེན་པོ་རུ་བཞག་བྱ་སྟེ།། ལྔ་རྣམས་ལ་ནི་དབུལ་བར་བྱ།། དེ་ནས
270a2 མཁའ་འགྲོ་གྲོང་མཆོག་ཏུ། ། སློབ་མ་རྣམས་ནི་གཞུག་བྱ་སྟེ།། རྡོ་རྗེ་ཡེ་ཤེས་རབ་ཐོབ་པའི།། དེ་བཞིན་གཤེགས་པ་ཐམས་ཅད་ཀྱི།། ཕོ་བྲང་དཀྱིལ་འཁོར་དམ་པ་འདིར།། བདག་གིས་སློབ་མ་གཞུག
270a3 པར་བྱ། ། དེ་ནས་སློབ་མ་དེ་ཡིས་ཀྱང་།། མེ་ཏོག་སྔགས་འདིས་གཏོར་བའོ།། པྲ་ཏིཙྪ་བཛྲ་ཧོཿཞེས་བྱ།། དེ་ནས་ཚིག་འདིས་གདོང་གཡོགས་དགྲོལ།། དེ་རིང་དད་པའི་ཤུགས་ཀྱིས་ནི།། དཀྱིལ་འཁོར་དུ
270a4 འདིར་བལྟ་བར་བྱ། ། སངས་རྒྱས་རིགས་སུ་ཁྱོད་སྐྱེས་སོ།། སྔགས་དང་ཕྱག་རྒྱས་ཁྱོད་བྱིན་བརླབ།། དངོས་གྲུབ་ཐམས་ཅད་ཕུན་སུམ་ཚོགས།། དམ་ཚིག་མཆོག་ཏུ་འགྲུབ་པར་བྱེད།། རྡོ་རྗེ་པདྨོ་རོལ་པའི
270a5 མཆོག། སྔགས་ཀྱི་བདག་འད་ཤེས་པར་བྱ།། པ་ཤྱ་བཛྲ། གང་དག་མེ་ཏོག་གསང་བ་སྟེ།། དེ་དེ་དེ་ཡི་ལྷ་ཡང་དག། དེ་ཡི་སྦྱོར་བ་རབ་སྦྱིན་ཏེ།། དེ་ཡི་ནན་ཏན་དུ་སྒྲུབ་པོ།། དུང་ཆེན་བདུད་རྩི་ལྔ
270a6 བྲུདྲུང་དེ། ། དམྱལ་བའི་ཆུ་འདིས་ཁྱོད་ལ་ནི།། དམ་ཚིག་འདས་ན་སྲེག་པར་བྱེད།། དམ་ཚིག་བསྲུངས་ན་དངོས་གྲུབ་པའི།། འཐུང་ཞིག་རྡོ་རྗེ་བདུད་རྩིའི་ཆུ།། བཛྲ་ཨུ་ད་ཀ། དེ་ནས་སངས་རྒྱས་ཐམས
270a7 ཅད་ཀྱི། ། དམ་ཚིག་དང་ནི་སྡོམ་པ་རྣམས།། བླ་མས་སློབ་མ་སྡིག་བྲལ་ལ།། ཇི་ལྟ་བ་བཞིན་བསྒྲག་པར་བྱ།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། རི་མོའི་དཀྱིལ་འཁོར་གྱི་ལེའུ་སྟེ
iiif viewer powered by OpenSeadragon
