| e-texts navigator |
| Wylie |
269b1 ཐུང་ངུརལ་གྲི་སྔོན་པོ་བྲི།། མེ་ཡི་མཚམས་སུ་འཁོར་ལོ་སྟོན།། བདེན་ཐལ་ཨུཏྤལ་དམར་པོ་དང་།། རླུང་གི་མཚམས་སུ་པདྨ་དམར།། དབང་ལྡན་ཨུཏྤལ་སེར་པོ་སྟེ།། རྡོ་རྗེ་ཐོབ་ཤར་གྱིས།
269b2 ལྷོ་ཡི་སྒོ་རུ་རྡོ་རྗེ་དབྱུག། པདྨའི་སྡོང་བུ་ནུབ་ཀྱི་སྒོ།། བྱང་སྒོ་རྡོ་རྗེ་ཁ་བྱེ་བ།། སྦྱོར་བ་ལྡན་པས་དགོད་པར་བྱ།། རྣམ་པ་ཉི་ཤུ་རྩ་ལྔར་ནི།། ཚོན་རྩི་དག་ཀྱང་བསྒོམ་བྱ་སྟེ།། རྡུལ་ཚོན་ལྔ་ལ་སོགས་པ
269b3 རྣམས། ། རིམ་པ་བཞིན་དུ་གདབ་པར་བྱ།། དེ་ནས་བུམ་པ་གཟུང་བྱ་བ།། རྩ་བ་ནག་ནོག་མེད་པ་ཡི།། ཞབས་བརྟན་མགྲིན་རིང་མཆུ་འཕྱང་བ།། ལྷ་ཡི་གྲངས་ཙམ་སྟ་གོན་གནས།། མགུལ་པར་རས
269b4 ཀྱིས་ཡང་དག་དཀྲིས། ། ལྡུམ་བུ་ཡིས་ནི་ཁ་མཛེས་པ།། རིན་ཆེན་སྨན་འབྲུ་སྣ་ལྔ་དང་།། སྤོས་ཆུ་ཡིས་ནི་རབ་བཀང་ནས།། བུམ་པ་མངོན་པར་བསྔགས་པར་བྱ།། རྣམ་རྒྱལ་བུམ་པ་དཀྱིལ་འཁོར་གྱི།།
269b5 བདག་པོ་ལྷ་མོ་རྣམས་ཀྱི་བཞི།། ལྷ་རྣམས་ཀྱི་ནི་བུམ་པ་བཞི།། སྒོ་ཡི་ཕྱོགས་ཀྱི་བུམ་པ་ནི།། ལས་ཀུན་བྱེད་པས་བཟླས་བྱས་ཏེ།། ཀུ་ཤའི་ཆུན་པོས་སེམས་ཅན་ཆེ།། འཇུག་པ་ཀུན་ལ་གཏོར་བར་བྱ།
269b6 ཡོན་དང་གཏོར་མ་མཆོད་ཕུལ་ནས།། དེ་དག་ཕྱི་གྲཝར་རབ་བཀོད་དེ།། གཡས་སུ་རྒྱལ་བ་སྤྱན་དྲང་ངོ་།། དེ་ནས་ལྷ་རྣམས་རབ་གནས་པའི།། བསམ་པའི་སྦྱོར་བས་བསམ་བྱ་སྟེ།། ཕྱག་རྒྱ་བྲལ་བ
269b7 སྦྱོར་བ་ནི། ། ལུས་ཅན་བྱིན་གྱིས་མི་རློབ་པས།། བུ་མོ་གཟུགས་བཟང་ལང་ཚོས་བརྒྱན།། དབང་ཐོབ་ལུས་རྒྱས་ཐོབ་པ་མོ།། གཡོན་མ་རྒྱན་གྱིས་རབ་བརྒྱན་ཏེ།། དེ་ཡིས་འཁོར་ལོ་སྤྲུལ་པར་བྱ།
iiif viewer powered by OpenSeadragon
