| e-texts navigator |
| Wylie |
268a1 དེ་ལ་ཁྱབ་ནས་མེའི་ཁམས་ཆེན་པོར་ཀུན་ཏུ་ཁྱབ་པར་མཛད་དེ། དེ་ནས་ཆུའི་ཁམས་ཆེན་པོར་ཀུན་ཏུ་ཁྱབ་པར་མཛད། དེ་ནས་སའི་ཁམས་ཆེན་པོར་ཀུན་ཏུ་ཁྱབ་པར
268a2 མཛད་དོ། ། དེའང་ཀུན་ཏུ་ཁྱབ་ནས་བཅོམ་ལྡན་འདས་བྱང་ཆུབ་སེམས་ལ་ཀུན་ཏུ་ཁྱབ་པར་མཛད་དོ།། རི་དང་སེམས་ཅན་ཐམས་ཅད་དང་།། སྣ་ཚོགས་ཕྲ་བ་སྦོམ་པོ་དང་།། བུད་མེད་གཞོན་ནུ
268a3 རྒན་པ་དང་། ། སྐྱེས་པ་དང་ནི་མ་ནིང་དང་།། ལྷ་དང་ཀླུ་དང་གནོད་སྦྱིན་དང་།། གདོན་དང་སྐར་མ་གཤིན་རྗེ་དང་།། ཆུ་བདག་བརྒྱ་བྱིན་ལ་སོགས་དང་།། འབྱུང་དང་འབྱུང་འགྱུར་ཐམས་ཅད་ལ།། བཅོམ
268a4 ལྡན་འདས་ནི་བདེ་ཆེན་པོ། ། ཀུན་ཏུ་བཟང་པོ་རྡོ་རྗེ་འཛིན།། ཀུན་ཏུ་ཁྱབ་པར་བྱས་ཏེ་གནས།། དཔལ་རྡོ་རྗེ་སྙིང་པོའི་རྒྱན་གྱི་རྒྱུད་ལས། རྡོ་རྗེ་མཁའ་འགྲོ་བྱིན་གྱིས་རློབ་པའི་ལེའུ་སྟེ
268a5 དང་པོའོ། ། །། དེ་ནས་གཞན་ཡང་བཤད་བྱ་བ།། ལས་ཀྱི་མཆོག་རྣམས་འགྲུབ་བྱེད་པའི།། གསང་སྔགས་རྣམས་ནི་བཤད་པར་བྱ།། རྩེ་གཅིག་སེམས་ཀྱིས་མཉན
268a6 བཔར་བྱའོ། ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤ་ན་ན་ཏྭཱ་ཏ། གཏོར་མའི་སྔག་སོ།། ཨ་ཧཱ། ཨི་ཨཱི། ཨུ་ཨཱུ། ཨེ་ཨཱཾ། ཨོཾ་ཨཱ~ཾ། ཨོཾ་ཨཿ། བུད་མེད་དོ།། རྀ་རཱྀ། ལྀ་ལཱཾ། མ་ནིང་ངོ་།། ཀ་ཁ་ག་གྷ་ང། ཙ་ཆ
268a7 ཛྙཉ། ཊ་ཥ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། སྐྱེས་པའི་འོ།། ཡ་ར་ལ་ཝ། འབྱུང་བའི་འོ།། ཤ་ཥ་ས་ཧ། འཇིགས་པ་ལ་སོགས་པའོ།། ཀྵཿཆོས་ཀྱི་དབྱིངས་ཀྱི་ས་བོན་ནོ།།
iiif viewer powered by OpenSeadragon
