| e-texts navigator |
| Wylie |
260b1 བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ཏེ་གཏུགས་ནས་གཞན་ཡང་ཞུས་པ། ཨེ་མའོ་སྟོན་པ་རྟོགས་པར་དཀའ་བ་རྣམ་པར་ཤེས་པ་གསུམ་གྱི་དབྱེ་བ་མཆོག་ཏུ་ཟབ་པ་བཅོམ་ལྡན་འདས་བཤད
260b2 དུ་གསོལ། ། བདེ་བར་གཤེགས་པ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ། གང་འོད་གསལ་བ་ལས་བྱུང་བ་རྣམ་པར་ཤེས་པ་དེ་ཉིད་སེམས་དང་། ཡིད་དང་། རྣམ་པར་ཤེས་པ་ཞེས་བྱ་ལ།
260b3 དེ་ནི་ཆོས་ཐམས་ཅད་ཀྱི་རྩ་བ་སྟེ། ཀུན་ནས་ཉོན་མོངས་པ་དང་། རྣམ་པར་བྱང་བའི་བདག་ཉིད་དེ་ལས་རྟོག་པ་གཉིས་སུ་གྱུར་ཏེ་བདག་དང་གཞན་དག་ཏུའོ།། རྣམ་པར་ཤེས་པ་དེའི་བཞོན་པ་རླུང་ངོ་།། རླུང
260b4 ལས་མེའོ། ། མེ་ལས་ཆུའོ།། ཆུ་ལས་སའོ།། དེ་རྣམས་ལས་ཕུང་པོ་ལྔ་དང་། སྐྱེ་མཆེད་དྲུག་དང་། ཡུལ་ལྔ་སྟེ། དེ་དག་ཐམས་ཅད་ནི་རྣམ་པར་ཤེས་པ་རླུང་དང་འདྲེས་པའོ།། དེ་ནས་རྣམ་པར་ཤེས་པ
260b5 གསུམ་གྱི་རང་བཞིན་གྱི་སྣང་བ་རབ་ཏུ་གསལ་བར་སྤྱོད་པ་རྗེས་སུ་མྱོང་བར་བྱེད་དེ། སྣང་བའི་རྒྱུས་རང་བཞིན་རྣམས་ཡང་དག་པར་འབྱུང་ངོ་།། དེ་ལ་འོད་གསལ་བ། གནས་པ་མེད་པ། འགག་པ་མེད་པ།
260b6 སྐྱེ་བ་མེད་པ། དོན་དམ་པའི་བདེན་པ། ཡང་དག་པའི་མཐའ་སྟེ། དེ་ལས་བྱུང་བའི་མུན་པའི་སྣང་བ་ནི་མ་རིག་པའོ།། དེའི་རང་བཞིན་ལྟ་བ་དང་། འཁྲུལ་པ་དང་། རྣམ་པར་གཡེང་བ་དང་། བརྗེད་ངས་པ
260b7 དང་། ལེ་ལོ་དང་། མི་སྨྲ་བ་དང་། མི་གསལ་བའོ།། མ་རིག་པ་ལས་སེམས་ལས་བྱུང་བ་སྟེ། ཉི་མའི་སྣང་བ་ལྟ་བུ་དང་། ཤིན་ཏུ་གསལ་བའི་སྨིག་རྒྱུ་བ་ལྟ་བུའོ།། དེའི་རང་བཞིན་འདོད་ཆགས་དང་།
iiif viewer powered by OpenSeadragon
