| e-texts navigator |
| Wylie |
258a1 མཐེ་བོང་ཚིགས་ཚད་ཙམ་དུ་ནི།། ཤིན་ཏུ་མཉམ་པར་བཞག་ནས་སྦྱར།། དྲི་ཆེན་ཆུ་དང་རཀྟ་དང་།། བྱང་ཆུབ་སེམས་ནས་ཚད་ཙམ་ནི།། སྔགས་བཟླས་ནས་ནི་སྦྱར་བྱས་ཏེ། བྱིན
258a2 གྱིས་བརླབས་ཀྱང་བྱ་བའོ། ། ཕྱག་འཚལ་དང་ནི་ཡི་གེ་ཨཱཿ།། དབུས་སུ་དེ་བཞིན་ཧཱུཾ་བྱས་ཏེ།། འབར་བའི་ཧཱུ~ཾ་ཡིག་འབར་བྱེད་པ།། དགུ་པོ་དེ་ནི་རབ་ཏུ་སྒྲུབ།། ལན་ནི་ཉི་ཤུ་རྩ་གཅིག་ཏུ།། སྔགས་བཟླས
258a3 ནས་ནི་ཕྱེ་མར་བཏགས། ། ཡུངས་ཀར་ལྔ་ཡི་ཚད་ཙམ་དུ།། ལྔ་དང་ལྔ་ནི་འབྱོར་པར་བྱ།། ཚེས་བརྒྱད་དང་ནི་བཅུ་བཞི་ལ།། རིལ་བུ་རྣམས་ནི་བྱས་ནས་སུ།། པདྨའི་སྣོད་ལ་བཞག་བྱས་ཏེ།། སྟོང་ཕྲག་བརྒྱར
258a4 ནི་བཟླ་བར་བྱ། ། མཚམས་བཞི་ལ་ནི་བསྒོམ་བྱས་ནས།། ཉིན་དང་མཚན་དུ་བཟའ་བར་ཡང་།། དེ་ནི་བསྐལ་པའི་མཐའ་བར་ཡང་།། དངོས་གྲུབ་རྒྱས་པར་འགྲོ་བ་སྟེ།། གཟི་བརྗིད་མདངས་དང་སྟོབས་བརྩོན
258a5 འགྲུས། ། ལྔ་པ་ལ་ནི་སྨོན་ལམ་ཡང་།། མངོན་པར་ཤེས་པ་ལྔ་ཐོབ་པ།། རིལ་བུ་ཆེན་པོ་ཟོས་ཕྱིར་རོ།། རྫས་ཀྱི་སྒྲུབ་པ་རྣམས་རྫོགས་ནས།། རིག་པའི་སྔགས་རྣམས་བདག་ལ་སྩོལ།། ཡི་གེ་ཨེ་དང་བཾ
258a6 ཡིག་དང་། ། ལཾ་ཡིག་དབུས་སུ་ཡང་དག་གནས།། དང་པོའི་མདོག་ནི་དམར་པོ་སྟེ།། གཉིས་པ་ཡི་ནི་མདོག་དཀར་བ།། གསུམ་པ་ཁ་དོག་སེར་བ་རྣམས།། བྷ་གའི་དབུས་སུ་བསྒོམ་པར་བྱ།། འཁོར་ལོ་ལྟར་ནི
258a7 བསྐོར་བ་ནི། ། ཉིན་ཕྱེད་དང་ནི་མཚན་ཕྱེད་ལ།། རིག་པ་དེ་ནི་རབ་འབྱོར་ན།། དེ་ནི་སྐད་ཅིག་ཁོ་ནར་འགྲུབ།། ལྷ་མོ་ལྷ་མིན་བུ་མོ་དང་།། མི་ཡི་བུ་མོ་རྣམ་པ་བཞི།། ས་ཡི་དཀྱིལ་འཁོར་ཀུན་ཏུ་ནི།། སྔགས་ཀྱིས་བཀུག
iiif viewer powered by OpenSeadragon
