| e-texts navigator |
| Wylie |
257b1 སྒྲུབ་པ་ནི། ། གསུངས་ཤིག་རྡོ་རྗེ་ཅན་ཆེན་པོ།། རྫས་རྣམས་སྒྲུབ་པ་བཀའ་སྩལ་འཚལ།། དེ་བཞིན་རིག་པའི་སྔགས་རྣམས་ཀྱང་།། དཀྱིལ་འཁོར་རྣམས་ནི་བཏགས་པ་དང་།། སྦྱིན་སྲེགསོ་སོར
257b2 བྱ་བ་དང་། ། དེ་བཞིན་མཆོད་པའི་ཆོ་ག་ཡང་།། ཁྱད་པར་དུ་ཡང་བཀའ་སྩལ་འཚལ།། དེ་ལྟར་ལྷ་མོས་ཞུས་མ་ཐག། རྡོ་རྗེ་སེམས་དཔས་བཀའ་སྤྲུལ་པ།། ཆོས་ཀྱི་དབྱིངས་ཀྱི་སྒྲུབ་ཐབས་ནི།།
257b3 ཉོན་ཅིག་ལྷ་མོ་བཤད་པར་བྱ།། གཟུགས་དང་སྒྲ་དང་དྲི་དང་ནི།། དེ་བཞིན་རོ་དང་རེག་ལ་སོགས།། ཁམས་བཅོ་བརྒྱད་པོ་དེ་དག་ཀྱང་།། ཆོས་ཀྱི་དབྱིངས་ཤེས་བྱ་བའོ།། དེ་དག་ཉིད་ལས་བྱུང་བ་ནི།
257b4 བྱང་ཆུབ་སེམས་ཞེས་ཤེས་པར་བྱ།། བྱང་ཆུབ་སེམས་ལས་གོང་བུ་སྐྱེ།། གོང་བུ་ལས་ཀྱང་ཡིད་སྐྱེད་དོ།། ཡིད་ལས་ནམ་མཁའི་ཁམས་ཀྱང་ནི།། ཁམས་རྣམས་དང་ནི་སྐྱེ་མཆེད་རྣམས།། དབང་པོ
257b5 ཕུང་པོ་འབྱུང་བ་རྣམས། ། དེ་ལྟར་དབྱིངས་སུ་བསྡུ་བ་སྟེ།། བསྡུ་བ་དེ་ནི་བསྟན་བྱས་པ།། ཆོས་ཀྱི་དབྱིངས་ཀྱི་སྒྲུབ་པ་ཡིན།། དེ་བས་ནན་ཏན་ཐམས་ཅད་ཀྱིས།། སྒྲུབ་པ་ཡང་དག་སྤྱད་པར་བྱ།། འདི་ལྟར
257b6 གལ་པོ་ཞེས་དངོས་ཀྱིས། ། བསྒྲུབ་པར་བྱ་བ་རབ་ཏུ་བརྟག། ཆོས་དབྱིངས་སྒྲུབ་པ་བཤད་ནས་སུ།། རྫས་བརྒྱད་ཡན་ལག་སྒྲུབ་པ་བཤད།། རིལ་བུ་མིག་སྨན་དངོས་གྲུབ་དང་།། ས་འོག་རལ་གྲིའི་དངོས
257b7 གྲུབ་དང་། ། ནམ་མཁར་འཕུར་དང་མིག་ལྡན་དང་།། འཆི་བ་མེད་དང་ནད་འཇོམས་དང་།། མི་དང་གླང་པོ་ཆེ་དང་རྟ།། གླང་དང་ཁྱི་དང་བོང་བུ་དང་།། རྔ་མི་མསེ་སྲུང་གི་རྣམས།། མ་ནི་མཉམ་པོར་བྱ་བའོ།།
iiif viewer powered by OpenSeadragon
