| e-texts navigator |
| Wylie |
257a1 མུན་པ་སྐུ་སྟེ་རྡུལ་གསུང་གཟུགས།། ཐུགས་ཀྱི་རང་བཞིན་སྙིང་སྟོབས་ཏེ།། རྡུལ་ནི་རཀྟ་བྱང་ཆུབ་སེམས།། མུན་པ་དེ་བཞིན་བསྐྱེད་པ་ཡིན།། རྡོ་རྗེ་པདྨ་མཉམ་སྦྱར་ནས།
257a2 རང་བཞིན་མཉམ་པའི་རོར་འགྱུར་རོ།། དྲི་ཆེན་ཆུ་དང་ཤེལ་མེ་ཏོག། དེ་བཞིན་ལྔ་པ་བྱང་ཆུབ་སེམས།། བདུད་རྩི་ལྔ་དངོས་གོང་བུར་བསྡུས།། དེ་ལས་རྡོ་རྗེར་འདིར་གསུངས་སོ།། རྨ་ཤས་གཉིས་པ་དང
257a3 ལྡན་པ། ། དེ་བཞིན་དགུ་པ་དག་ཡིན་ནོ།། དེ་སྐད་གསུངས་པ་བཅུ་དང་ནི།། དེ་བཞིན་ལྔ་པའི་ས་བོན་ཏེ།། རྨ་ཤས་གཉིས་པ་ལྔ་ཡི་ནི།། དྲུག་གིས་བཏགས་པ་དེས་བྱུང་བ།། དེ་ནི་ཐིག་ལེར་གསུངས
257a4 པའོ། ། ཆོས་ཀྱི་དབྱིངས་ཀྱི་ཡི་གེ་བྲུཾ།། སྐྱེ་གནས་པདྨ་ལ་གནས་པ།། དེ་ཉིད་ས་བོན་སྭཱ་ཧཱ་མཐའ།། འདུས་པ་ལ་ནི་ཤེས་པར་བྱ།། ཆུ་ཁམས་པ་ལས་སྐྱེས་ཤེས་བྱ།། མེ་ཡི་ཁམས་ནི་མ་ལས་སྐྱེས།
257a5 ཤ་དང་ཁྲག་དང་པགས་པ་ཡང་།། མ་ལས་སྐྱེས་པ་ཞེས་བཤད་དོ།། ཚིལ་དང་རྐང་དང་ཁུ་བ་ནི།། ཕ་ལས་སྐྱེས་ཞེས་བཤད་པ་ཡིན།། གོང་བུར་ཡང་དག་འདུས་པ་ནི།། དེ་དག་ཙམ་དུ་བཤད་པ་ཡིན།།
257a6 གཟུགས་དང་ཚོར་བ་འདུ་ཤེས་དང་།། དེ་བཞིན་འདུ་བྱེད་རྣམ་ཤེས་རྣམས།། སངས་རྒྱས་དངོས་པོ་ལྔ་ཡི་གཟུགས།། ཕུང་པོ་ཞེས་བྱར་བཤད་པའོ།། ལྷ་མོ་བཞིས་ཡོངས་སུ་ཞུས་པ་ལས། ལྷ་མོ་ན
257a7 བཟའ་དཀར་མོས་ཞུས་པ་སྟེ་ལེའུ་གསུམ་པའོ། ། ། དེ་ནས་བཞད་པའི་ཞལ་གྱུར་ཏེ།། ལྷ་མོ་སྒྲོལ་མ་བཅོམ་ལྡན་མས།། རྡོ་རྗེ་སེམས་དཔའ་ལ་ཞུས་པ།། ཆོས་ཀྱི་དབྱིངས་ཀྱི
iiif viewer powered by OpenSeadragon
